საქართველო-მალტა 1:0. სამი ფაქტი: ასე ჩავძირეთ კუნძული... [VIDEO]

საქართცელოს ნაკრებმა განახევრებული შემადგენლობით მაინც დაამარცხა მალტა, თუმცა ეს არ იყო ის გამარჯვება, რომლის გამოც ზედმეტი აჟიოტაჟი უნდა ავტეხოთ. რა თქმა უნდა, გვაკლდა არაერთი ფეხბურთელი და სამწვრთნელო შტაბმაც უამრავ ექსპერიმენტს მიმართა, მაგრამ სუსტი მეტოქე მაინც უფრო დამაჯერებლად უნდა დაგვეჯაბნა.

გმირი
ყველა თამაშს ჰყავს თავისი გმირი და, რა თქმა უნდა, ის ამ თამაშსაც ჰყავდა. თბილისის "დინამოს" ახალგაზრდა ნახევარმცველმა ოთარ კიტეიშვილმა ისე ითამაშა, რომ თქვენი მოწონებული - საქართველოს ნაკრებში ცენტრალური ნახევარმცველის პოზიციაზე დიდი კონკურენცია კი არის, თუმცა ოთარმა თუ ასე გააგრძელა, ის უშანსოდ ნამდვილად არ იქნება.

თავი დავანებოთ იმას, რომ შეხვედრის დამატებით დროში მალტის ნაკრების კარში გატანილი გოლის ერთ-ერთი მთავარი შემომქმედი სწორედ კიტეიშვილი გახლდათ. ის მთელი შეხვედრის განმავლობაში გამორჩეული იყო ჩვენი გუნდის შემადგენლობაში და რბილი, ტექნიკური სათამაშო მანერით უამრავ პრობლემას უქმნიდა მოწინააღმდეგეს.

გმირობიდან ანტიგმირობამდე ერთი ნაბიჯია
ფეხბურთშიც და ცხოვრებაშიც ასეა - გმირობიდან ანტიგმირობამდე ერთი ნაბიჯია. სანამ უშუალოდ საკითხზე გადავალ, უნდა ვთქვა, რომ ამ სტრიქონების დაწერა ჩემთვის ძალიან რთულია. სხვა თუ არაფერი, არაერთხელ დამიწერია საქებარი სიტყვები ვაკო გვილიაზე.

ის კი არა, რომ არა მის მიერ მიღებული წითელი ბარათი, ძალიან ადვილი შესაძლებელი იყო, ვაკო თამაშის მთავარ გმირადაც კი დაგვესახელებინა. გვილია უბრალოდ შესანიშნავი იყო პირველ ტაიმში. მის მიერ გაკეთებული პასების ცქერა ერთ რამედ ღირდა და საქართველოს ნაკრებმა მალტას ადრევე რომ არ მოუთავა საქმე, ამაში ყველაზე ნაკლები ბრალი სწორედ გვილიას მიუძღვის.

სამაგიეროდ, ვერაფრით აგვიხსნია, რა დაემართა გვილიას შეხვედრის მეორე ნახევარში. ვაკოს შესახებ რაც გამიგია, გნებავთ ადამიანური და გნებავთ, პროფესიონალური თვალსაზრისით, სულ კარგი რამეები. ნამდვილად ძნელი ასახსნელია, როგორ მოახერხა მან დროის უმოკლეს მონაკვეთში ორი ყვითელი ბარათისა და ჯამში მინდვრის დატოვება.

ბოლომდე ვარ დარწმუნებული, ვაკო შესაბამის დასკვნებს გამოიტანს მომხდარიდან და ასეთ რამეს აღარ გაიმეორებს. ჩემთვისაც რთულია ამ სტრიქონების წერა, მაგრამ თავს იმით ვიმშვიდებ, რომ მოყვარეს პირში უნდა უძრახო და იმისაც მჯერა, რომ ეს მცირე კრიტიკა გვილიაზე საუკეთესოდ იმოქმედებს.

გადამწყვეტი
ყველა თამაშს აქვს გადამწყვეტი ეპიზოდები და, რა თქმა უნდა, ამ თამაშსაც ჰქონდა ასეთი ეპიზოდი. ცოტა შორიდან დავიწყებ. ისე მეჩვენება, რომ საქათველოს ნაკრების მთავარი მწვრთნელი ვლადიმირ ვაისი მაინცდამაინც არ ენდობა ნიკა კაჭარავას.

არ ვიცი, სხვა როგორ ფიქრობს, მაგრამ ჩემი პირადი აზრით, სლოვაკმა მწვრთნელმა ამჯერადაც დააგვიანა ნიკას საქმეში ჩართვა. ძველი და მრავალნაცადი ანდაზაა, რომ სჯობს გვიან, ვიდრე არასდროს.

შეცვლაზე შესული კაჭარავა თამაშის ერთ-ერთი მთავარი გმირი შეიქმნა. სწორედ მან გაუთამაშა კედელი ოთარ კიტეიშვილს - ამის შემდეგ ის მალტელმა მცველმა საჯარიმოში მოცელა.

2113
მკითხველის კომენტარები / 0 /
მსგავსი ამბები
რუბრიკის სხვა სიახლეები
;