7:8 ცუდად გვახსოვს

კვირას საქართველოს ნაკრებს პრინციპულ მეტოქესთან მატჩში სამი უმთავრესი მიზანი ექნება. პირველი და უმთავრესი, მოიგოს რაგბი ევროპის ჩემპიონატი.

ამისთვის "ბორჯღალოსნებს" წაგებაც კი ჰყოფნით (ოღონდ, მეტოქემ ბონუსქულა არ უნდა აიღოს), მეორე - შარშანდელი მწარე მარცხისთვის რევანში და ბოლოს - ანთიმოზ ივერიელის თასის რუმინელებისთვის წართმევა. ამ ორისთვის კი მოგება აუცილებელია.

* რუმინეთს საქართველოში მწვრთნელი ლინ ჰოულსი გაუძღვება, რომელიც უკვე გადამდგარია.
* ეს იქნება საქართველო-რუმინეთის 22-ე დაპირისპირება.
* "ბორჯღალოსნებმა" 11 მოიგეს, 9 წააგეს და ერთი მატჩი ფრედ დასრულდა.

ჩვენი გუნდი "შევარდენის" სანაკრებო ბაზაზე რუმინეთის ნაკრებთან მატჩისთვის მზადებას განაგრძობს. "ბორჯღალოსნებმა" გუშინ ღია ვარჯიში გამართეს.

ვარჯიშის მიხედვით თუ ვიმსჯელებთ, მილტონ ჰეიგი ძირითად შემადგენლობაში, რომელმაც რუსეთის ნაკრებთან ითამაშა, სერიოზულ ცვლილებას არ გეგმავს.

მიკროტრავმა აწუხებს მესამეხაზელ ლაშა ლომიძეს, რომელმაც შესაძლოა, თამაში ვერ შეძლოს. სავარაუდოდ, ძირითად შემადგენლობაში დაბრუნდება შერკინების ბურჯი ლევან ჩილაჩავა. საბრძოლო რაზმს "ბორჯღალოსანთა" ახალზელანდიელი გურუ დღეს დაასახელებს.

საქართველო რუმინეთს 21-ჯერ დაუპირისპირდა. აქედან "ბორჯღალოსნებმა" 11 მატჩი მოიგეს, 9 რუმინელთა გამარჯვებით დასრულდა, ერთხელ კი, გუნდები ფრეს დაყაბულდნენ. შარშან, ბუქარესტში ჩვენმა გუნდმა 7:8 წააგო, რის გამოც რაგბი ევროპის ჩემპიონის ტიტული და ანთიმოზ ივერიელის თასი დათმო.

საინტერესოა, რომ თბილისში "სტეჟარის" უელსელი მწვრთნელი ლინ ჰოულსი მოუძღვება, რომელიც თანამდებობიდან უკვე გადამდგარია.

ლევან მაისაშვილი, მწვრთნელის ასისტენტი:

"შარშანდელი მარცხის გამო რევანშის აღებას ვაპირებთ. ამის გარდა, ეს მატჩი ფაქტობრივად ფინალია. რაგბი ევროპის ჩემპიონატზე ეს ბოლო თამაშია, ამიტომ გამარჯვების გარდა, გვინდა ხარისხიანი თამაშიც ვაჩვენოთ."

საქართველოს ნაკრები

პირველი ხაზი: მიხეილ ნარიაშვილი (მონპელიე), კარლენ ასიეშვილი (ბრივი), შალვა მამუკაშვილი (ლოკომოტივი), ბადრი ალხაზაშვილი (ტულონი), ლევან ჩილაჩავა (ტულონი), ანტონ ფეიქრიშვილი (კარდიფი), გიორგი მელიქიძე (სტად ფრანსე);

მეორე ხაზი: გიორგი ნემსაძე (ბრისტოლი), შალვა სუთიაშვილი (ანგულემი), ნოდარ ჭეიშვილი (შამბერი);

მესამე ხაზი: ვიქტორ კოლელიშვილი (კლერმონი), გიორგი თხილაიშვილი (ბათუმი), ლაშა ლომიძე (ლონდონ აირიში), მიხეილ გაჩეჩილაძე (ენისეი), ოთარ გიორგაძე (კლერმონი), გიორგი ცუცქირიძე (ორიაკი);

#9: ვასილ ლობჟანიძე (ბრივი), გელა აფრასიძე (მონპელიე);
#10: ლაშა ხმალაძე (ბათუმი), რეზო ჯინჭველაშვილი (არმაზი);
#12-13: გიორგი კვესელაძე (არმაზი), გიორგი კოშაძე (ხარები), დავით კაჭარავა (ენისეი), ლაშა მალაღურაძე (კრასნი იარი);
#11-14: ალექსანდრე თოდუა (ლელო), ანზორ სიჭინავა (აკადემია), ბექა წიკლაური (ლოკომოტივი);
#15: მერაბ კვირიკაშვილი (ლელო), სოსო მათიაშვილი (კრასნი იარი)

რუმინეთის ნაკრები

პირველი ხაზი: იონელ ბადიუ, ანდრეი რადოი, მარიან კაპატანა (სამივე - ტიმიშოარა), მიჰაიტა ლაზარი (კასტრი), კონსტანტინ პრისტავიტა, ფლორინ ბარდასუ (ორივე - ბაია მარე), ალექსანდრ ტარუსი (სეილ შარქსი), ალექსანდრუ გორდასი (სტიაუა);
მეორე ხაზი: იოჰანეს ფან ეერდენი (ბუქარესტი), ვალენტინ პოპარლანი (ტიმიშოარა), ადრიან მოტოკი (მეტრო რასინგი), დუმანი სიპოსეტუ (ბაია მარე);
მესამე ხაზი: სტელიან ბურეა (ბუქარესტი), კუსელო მოიაკე (სტიაუა), კრისტი ჩირიკა (ბაია მარე), რაზვან ილისესკუ (ბლანიაკი);
#9: ფლორინ სურუჯუ (სტიაუა), ვალენტინ კალაფეტეანუ (ბუქარესტი);
#10: ფლორინ ვლაიკუ, ტუდორ ბოლდარი (ორივე - სტიაუა);
#12-13: ჯეკ უმაგა (ტიმიშოარა), პაულა კინიკინილაუ (ბუქარესტი), სიონე ფაკაოსილეა (ბაია მარე);
#11-14: იონუც დუმიტრუ, რობერტ ნეაგუ (ორივე - სტიაუა), ტანგიმანა ფონოვაი (ტიმიშოარა);
#15: კატალინ ფერკუ, მარიუს სიმონესკუ (ორივე-ტიმიშოარა).

V ტური
18 მარტი

საქართველო-რუმინეთი
ბელგია-ესპანეთი
გერმანია-რუსეთი

თ მ ფ წ ბ ქ(პ)
1. საქართველო 4 4 0 0 +144 19(3)
2. რუმინეთი 4 3 0 1 +127 14(2)
3. ესპანეთი 4 3 0 1 +80 13(1)
4. რუსეთი 4 1 0 3 +4 6(2)
5. ბელგია 4 1 0 3 -84 5(1)
6. გერმანია 4 0 0 4 -271 0(0)

ყოველდღიური სპორტული გაზეთი "ლელო"
1377
მკითხველის კომენტარები / 0 /
მსგავსი ამბები
რუბრიკის სხვა სიახლეები
;