საქართველო - სამ. აფრიკა 20:48 - ბოკე ჯერ ისევ შორსაა 

საქართველო-სამ. აფრიკა 20:48
საქართველო (15-9): ჭიჭინაძე, ქავთარაძე (პაპუნაშვილი 48), თაფლაძე (სიმსივე 48), ლომიძე, ლაშხი, აბჟანდაძე, ალანია (მარგალიტაძე 52). (1-8) აზარიაშვილი (ღვალაძე 48), კარკაძე (ნიორაძე 40), ხარაიშვილი (თევდორაშვილი 58), იაშაღაშვილი. გვიმრაძე, გუშარაშვილი (ბურჭულაძე 64), კოლოტაური, ყორიაული. 
3ლ: ლაშხი (2), ჭიჭინაძე. ს,გ: აბჟანდაძე
სამ. აფრიკა (15-9): ისაკსი, დევიდსი, პოთხიტერი, პრეტორიუსი, დინგაანი (აბრაამსი 38), მოლენცე (კოეცერი 48), ჰენდრიქსი (ნოჰამბა 40) (1-8) ბლეილერი, მბათა (ვენტერი 51), ნტლაბაკანიე (გლეიდი 59), ფან დერ მესხტი (ლოუ 48) ფან ირდენი (ლაბუსხახნი 63), რიჩარდსონი, გუმედე, ბუთელეზი. 
8ლ: ნტლაბაკანიე, პრეტორიუსი, კოეცერი, აბრაამსი, მბათა, რიცარდსონი (2), დევიდსი. 4გ: ჰენდრიქსი, ნოჰამბა. 
სინბინი: ფან ირდენი.

„შედეგით გულდაწყვეტილები ვართ. სამხრეთ აფრიკის ნაკრებს ისეთი არაფერი გაუკეთებია, რასაც არ ველოდით, მაგრამ ძალიან ძლიერი მორაგბეები ჰყავს.

განსაკუთრებით კარგად კონტაქტის არეში ითამაშეს. ისინი თითქმის ყველა ჯერზე ახერხებდნენ უპირატესობის ხაზის გადალახვას. ჰქონდათ სწრაფი რაქი და ეს ყველაფერი ქულებში აისახა.“ - თქვა ნამატჩევს საქართველოს ნაკრების მწვრთნელმა ზურა ამონაშვილმა. 

სამხრეთაფრიკელების უპირატესბა ძალასა და სისწრაფეში ნათლად ჩანდა. ერთი ხანობა „უმცროს ბორჯღალოსნებს“ შერკინებაშიც გაუჭირდათ და ორჯერ დაჯარიმდნენ კიდეც. ერთი სიტყვით, „უმცროს ბოკესთან“ შერკინებამ ისეთივე უპირატესობის მოპოვება ვერ შეძლო, როგორც ეს „ბეიბი ბლექსთან“ შეძლო. 

ერთი სიტყვით საქართველოს ნაკრებმა წინააღმდეგობის გაწევა მხოლოდ პირველი 35 წუთის განმავლობაში შეძლო. ამ დროისთვის სამხრეთაფრიკელები მხოლოდ ორ ქულას გვიგებდნენ - 7:5. ჩვენს მონაგარს კი, თედო აბჟანდაძის მიერ გაცუდებული საჯარიმო და გარდასახვა აკლდა. 

მე-9 წუთის შემდეგ, როცა მეტოქემ ლელო გაგვიტანა, უპირატესობას ჩვენი მორაგბეები დაეუფლნენ და დაახლოებით 15 წუთი მეტოქის მოედნის ნახევარზე დაჰყვეს. რაც საბოლოოდ ხელდახელ შესანიშნავად გათამაშებული კომბინაციითა და გარემარბის ოთარ ლაშხის ლელოთი დასრულდა. აბჟანდაძემ ვერ გარდასახა. 

პირველი ტაიმის დასრულებამდე ხუთ წუთში, სამხრეთაფრიკელებმა ჩვენი მორაგბეების შეცდომები კარგად გამოიყენეს და ორი ლელო მიითვალეს - 21:5. ასე დასრულდა პირველი ტაიმი. 

შესვენების შემდეგ თამაში ის იყო განახლდა, რომ აბჟანდაძემ საჯარიმოდან ანგარიში ოდნავ შეამცირა - 8:21. თუმცა, სამხრეთაფრიკელები თავის სტილს არ ღალატობდნენ, მძლავრად, სწარაფად და მახვილგონივრულად გვიტევდნენ და მეორე ტაიმში ხუთი ლელო გაგვიტანეს. 

ცხადია, ჩვენი გუნდი ბრძოლას განაგრძობდა და ორი ძალზედ ლამაზე ლელოს გატანაც მოვახერხეთ. პირველ შემთხვევაში გუნდის იერიში ისევ ოთარ ლაშხმა დაასრულა და დუბლი გაიფორმა. მერე კი თამაშის მიწურულს მორკინალების ძალისხმევა აბჟანდაძემ მახვილგონივრული გადაცემით განაგრძო და თემურ ჭიჭინაძეს ლელო ძელებს შორის გაატანინა - 20:48. 

ჯგუფური ტურნირის ბოლო მატჩში შოტლანდიას ვეთამაშებით, რომელმაც ახალ ზელანდიასთან 33:52 წააგო. „უმცროსმა ბორჯღალოსნებმა“ მეტოქე საპრემიო ქულით თუ დაამარცხეს და ინგლისმა ისე წააგო ავსტრალიასთან, რომ საპრემიო ქულა ვერ აიღო, მაშინ მოწინავე რვა გუნდში მოვხვდებით. სხვა შემთხვევაში ძალზედ ბევრი ვარიანტი არსებობს. 

მსოფლიოს ჩემპიონატი 

II ტური 

A ჯგუფი
არგენტინა-ფიჯი 41:14, საფრანგეთი-უელსი 32:13
სატურნირო მდგომარეობა 
1. საფრანგეთი - 10 ქულა. 2. არგენტინა - 6, 3. უელსი - 4, ფიჯი - 0

B ჯგუფი
ავსტრალია-ირლანდია 45:17, ინგლისი-იტალია 24:23
სატურნირო მდგომარეობა 
1. ავსტრალია - 10 ქულა, 2. ირლანდია - 5, 3. ინგლისი - 4, 4. იტალია - 1

C ჯგუფი
საქართველო-სამ.აფრიკა 20:48, ახ.ზელანდია-შოტლანდია 52:33 
სატურნირო მდგომარეობა
1. სამ.აფრიკა - 10 ქულა, 2. ახ.ზელანდია - 10, 3. შოტლანდია - 1, 4. საქართველო - 0

ყოველდღიური სპორტული გაზეთი "ლელო"
554
მკითხველის კომენტარები / 0 /
მსგავსი ამბები
რუბრიკის სხვა სიახლეები
;