საქართველო VS აშშ - მეექვსე შებმა არწივებთან

დღეს, 25 ნოემბერს, საქართველოს მორაგბეთა ეროვნული ნაკრები წლის ბოლო, ნოემბრის დასკვნით ტესტ-მატჩს აშშ-ის ნაკრებთან ჩაატარებს. შეხვედრა მიხეილ მესხის სახელობის სტადიონზე 18:00 სთ-ზე დაიწყება, მატჩის ტელეტრანსლაციას კი ტელეკომპანია "იმედი" წარმოადგენს.

თამაშის წინა დღეს მეტოქეებმა ვაკის სტადიონზე ტრადიციული კაპიტნის ვარჯიში ჩაატარეს, გუნდების მთავარმა მწვრთნელებმა კი პრესკონფერენცია გამართეს. ჟურნალისტების კითხვებს "ბორჯღალოსნების" მთავარმა მწვრთნელმა მილტონ ჰეიგმა და გუნდის კაპიტანმა მერაბ შარიქაძემ უპასუხეს.

- მილტონ ჰეიგი: ჩვენი მიზანია, გავიდეთ და მოვიგოთ! 

- დეივ ჰიუიტი: თუ საქართველო სათანადოდ არ დააფასე, კარგი დღე არ დაგადგება 

წინა ორი ტესტ-მატჩისგან განსხვავებით, "ბორჯღალოსნების" სასტარტო თხუთმეტეულში ხუთი ცვლილებაა. თადარიგში კი სამი ისეთი მოთამაშეა, რომლებიც ამ შემოდგომაზე 23-კაციან განაცხადში პირველად მოხვდნენ.

საგულისხმოა, რომ "ბორჯღალოსნების" 28-წლიან ისტორიაში, შაბათს საქართველოს უკვე მესამე ცენტურიონი ეყოლება - მეასე შეხვედრას გიორგი ჩხაიძე გამართავს. მანამდე ეროვნულ ნაკრებში ჩატარებული მატჩების რაოდენობის მხრივ 100-იან ზღვარს მერაბ კვირიკაშვილმა და დავით კაჭარავამ გადააბიჯეს.

მოქმედ "ბორჯღალოსნებს" შორის უხუცესმა, 36 წლის "ბინგომ" პირველი სანაკრებო კეპი 2002 წლის მარტში, ჰოლანდიასთან მოიხვეჭა. მას შემდეგ ის ნაკრების უცვლელად წევრად იქცა და განვლილ 99 ტესტში 10 ლელო (3 საჯარიმო) გაიტანა. გიორგი ჩხაიძემ ეროვნული გუნდის შემადგენლობაში ოთხივე მსოფლიო თასზე (2003, 2007, 2011 და 2015) ითამაშა.

შეგახსენებთ, რომ ნოემბრის ტესტ-სერიის პირველი-ორი შეხვედრა "ბორჯღალოსნებმა" შინ კანადასთან (54:22) და სტუმრად უელსთან (6:13) ჩაატარეს.

რაც შეეხება დღევანდელ მეტოქეს, საქართველოს ნაკრებს "არწივებთან" აქამდე ხუთჯერ უთამაშია. ორჯერ "ბორჯღალოსნებმა" გაიმარჯვეს, სამჯერ - ამერიკელებმა. ამ ნაკრებების ბოლო დაპირისპირება წელს, ივნისის ტესტებზე, ჯორჯიის შტატის დედაქალაქ ატლანტაში შედგა, სადაც გამარჯვება ქართველ მორაგბეებს დარჩათ - 21:17.

ნოემბრის ტესტები
25 ნოემბერი

საქართველო-აშშ
საქართველო: 15. მერაბ კვირიკაშვილი, 14. სოსო მათიაშვილი/გიორგი კოშაძე, 13. მერაბ შარიქაძე, 12. გიორგი კვესელაძე, 11. მირიან მოდებაძე, 10. რეზო ჯინჭველაშვილი, 9. ვასილ ლობჟანიძე, 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. გიორგი ჩხაიძე, 5. კონსტანტინე მიქაუტაძე, 6. შალვა სუთიაშვილი, 7. ვიქტორ კოლელიშვილი, 8. ბექა ბიწაძე
სათ: 16. შალვა მამუკაშვილი, 17. ზურაბ ჟვანია, 18. სოსო ბეკოშვილი, 19. გიორგი ნემსაძე, 20. ლაშა ლომიძე, 21. გიორგი თხილაიშვილი, 22. გელა აფრასიძე, 23. ლაშა მალაღურაძე
აშშ: 15. ბლეინ სკული, 14. მაიკ ტეო, 13. მარსელ ბრეში, 12. ბრაის კემპბელი, 11. რაიან მატიასი, 10. ეი ჯეი მაკგინტი, 9. შონ დევისი, 1. ოლივერ კილიფი, 2. ჯო ტაუფეტეე, 3. დინო ვოლდრენი, 4. გრეგ პიტერსონი, 5. ნიკ ჩივეტა, 6. ბენ ლანდრი, 7. ჯონ ქვილი, 8. სემუ მანოა.
სათ: 16. პიტერ მალკოლმი, 17. ჰულუჰოლო მოუნგალოა, 18. პატრიკ რაიანი, 19. ნეთ ბრეკლი, 20. ენდრიუ დურუტალო, 21. ტონი ლამბორნი, 22. ნეთ აუგსპურგერი, 23. ვილი მაჯი.

სხვა მატჩები
ესპანეთი-ბრაზილია
შოტლანდია-ავსტრალია
ინგლისი-სამოა
იტალია-სამ. აფრიკა
რუმინეთი-ტონგა
ნამიბია-ურუგვაი
გერმანია-ჩილე
უელსი-ახ. ზელანდია
ირლანდია-არგენტინა
საფრანგეთი-იაპონია
ფიჯი-კანადა.

1379
მკითხველის კომენტარები / 0 /
მსგავსი ამბები
რუბრიკის სხვა სიახლეები