საქართველო VS კანადა - მძიმე ბრძოლისა და სავსე ტრიბუნების მოლოდინი

დღეს, 11 ნოემბერს, საქართველოს მორაგბეთა ეროვნული ნაკრები ნოემბრის ტესტების პირველ შეხვედრაში კანადის ნაკრებს უმასპინძლებს. შეხვედრა "დინამო არენაზე" 18:00 სთ-ზე დაიწყება.

მომავალი თამაშისთვის "ბორჯღალოსნების" მთავარმა მწვრთნელმა მილტონ ჰეიგმა 23-კაციან გუნდში ორი დებიუტანტი შეიყვანა: ქუთაისის "აიას" ფულბეკი მირიან მოდებაძე და მარნეულის "არმაზის" შუამარბი გიორგი კვესელაძე. აღსანიშნავია, რომ ახალზელანდილი მწვრთნელის განაცხადში ვერ მოხვდა ყველაზე გამოცდილი "ბორჯღალოსანი" მერაბ კვირიკაშვილი.

თამაშის წინა დღეს საქართველოს ნაკრებმა კაპიტნის ვარჯიში გამართა, მთავარმა მწვრთნელმა მილტონ ჰეიგმა კი პრესკონფერენციაზე, სადაც კაპიტან მერაბ შარიქაძესთან ერთად წარსდგა, მომავალ დაპირისპირებაზე ისაუბრა.

ყველაზე საინტერესო შეკითხვა ასეთი იყო: ახალი ზელანდა უფრო გენატრებათ თუ მამუკა გორგოძე? მწვრთნელის პასუხი ასეთი იყო: "ზელანდიაში დეკემბერში წავალ, გორგოძეს კი, ნაკრებში ვეღარ ვიხილავ. მამუკა უფრო მენატრება".

მილტონ ჰეიგმა "ბორჯღალოსნების" ახალგაზრდა (მირიან მოდებაძე, გიორგი კოშაძე, სოსო მათიაშვილი, გიორგი კვესელაძე) მოთამაშეებზეც ბევრი ილაპარაკა:

"დიდი ხანია მათ ვაკვირდებით, უკანა ხაზის გაძლიერებაზე სერიოზულად ვმუშაობდით, განსკუთრებით ფრთებზე და ფულბეკის პოზიციაზე. ახალწვეულები სწორედ ამ პოზიციებზე არიან. მათი დიდი იმედი მაქვს. მსოფლიოს თასამდე 2 წელია დარჩენილი და საკმარისი დროა, ვნახოთ ისინი საქმეში. მჯერა, რომ გაამართლებენ. მართალია, არაა შემადგენლობაში მაგრამ კარგად იცით რა შეუძლია გელა აფრასიძეს. მისი ლელო რაგბის მსოფლიოს კავშირის ნომინაციაშია წარდგენილი, რაც თავისთავად მეტყველებს, რა დონის მოთამაშეა."

"კანადასთან რამდენიე მატჩი გვაქვს გამართული. ძნელად ვიგებდით. ხვალაც მძიმე ბრძოლა გველის. მინდა, ხაზი გაუსვა მაყურებლის მნიშვნელობას: რაგბს იმიტომ ვთამაშობთ, რომ მაყურებელს ვასიამოვნოთ. ქომაგი ჩვენი მოტივაციაა. კარგი იქნება, რაც შეიძლება მეტი მაყურებელი მოვიდეს კანადასთან მატჩზე. როდესაც სავსე ტრიბუნებს ვხედავთ, ფრთები გვესხმევა. ჩვენ ხომ თქვენთვის, გულშემატკივრისთვის ვთამაშობთ", - თქვა მერაბ შარიქაძემ.

შეგახსენებთ, რომ საქართველოსა და კანადის ნაკრებებს აქამდე ერთმანეთთან ექვსჯერ უთამაშიათ. სამჯერ "ბორჯღალოსნებმა" მოიგეს. ამდენჯერვე "ნეკერჩხლის ფოთლებმა" გაიმარჯვეს.

საქართველო-კანადა
საქართველო: 15. სოსო მათიაშვილი, 14. გიორგი კოშაძე, 13. დავით კაჭარავა, 12. მერაბ შარიქაძე, 11. მირიან მოდებაძე, 10. ლაშა ხმალაძე, 9. ვასილ ლობჟანიძე; 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. კონსტანტინე მიქაუტაძე, 5. გიორგი ნემსაძე, 6. ლაშა ლომიძე, 7. ვიქტორ კოლელიშვილი, 8. ბექა ბიწაძე;
სათ: 16. შალვა მამუკაშვილი, 17. კარლენ ასეიშვილი, 18. სოსო ბეკოშვილი, 19. გიორგი ჩხაიძე, 20. გიორგი თხილაიშვილი, 21. გიორგი ბეგაძე, 22. რეზო ჯინჭველაშვილი, 23. გიორგი კვესელაძე

კანადა: 15. ენდრიუა კოე, 14. ბრუკ სტელერი, 13. დი ტი ეიჩ ფან დერ მერვე, 12. კირან ჰიმი, 11. ტეილორ პარისი, 10. პატრიკ პერფერი, 9. ფილ მაკი; 1. ჯუსტის სიარს-დურუ, 2. რეი ბერკვილი, 3. ჯეკ აილნიკი, 4. ჯოშ ლარსენი, 5. ევან ოლმსტედი, 6. ლუკას რამბელი, 7. მეთ ჰიტონი, 8. ტაილერ არდრონი
სათ: 16. ერიკ ჰოვარდი, 17. ენტონი ლუკა, 18. კოლი ქისი, 19, კაილი ბეილი, 20. კონორ კეისი, 21. კაილი გილმური, 22. ენდრიუ ფერგიუსონი, 23. ჯუზეპე დუ ტუა
მსაჯი: ბენ უათჰაუზი (უელსი)

1311
მკითხველის კომენტარები / 0 /
მსგავსი ამბები
რუბრიკის სხვა სიახლეები
;