საქორწინო სეზონი. წლის 5 ქორწილი და ერთი განქორწინება

მანუელ ნოიერი - ნინა ვაისი

თარიღი: 17 მაისი
ადგილი: მონოპოლი (იტალია)

გერმანული ფეხბურთის მთავარი მეკარე საკუთარ ქორწილში ყავარჯნებით მივიდა - მაისში მას ჯერ კიდევ აღდგენითი პროცესი ჰქონდა ძვლის მოტეხილობის გამო, რომელიც ჩემპიონთა ლიგის მეოთხედფინალში მადრიდის "რეალთან" მატჩში მიიღო. ფოტო ამ არც ისე საზეიმო აქსესუარით ინტერნეტის ნამდვილი ჰიტი გახდა.

კევინ დე ბრუინი - მიშელ ლაკრუა

თარიღი: 27 ივნისი
ადგილი: სორენტე (იტალია)

ისე ჩანს, რომ ამოხსნილია "მანჩესტერ სიტიში" ბელგიელის ბრწყინვალე თამაშის საიდუმლო. სავარაუდოდ, ხოსეპ გვარდიოლა აქ არაფერ შუაშია - წელს, ნახევარმცველმა, როგორც იქნა, იქორწინა თავისი შვილის დედაზე მიშელ ლაკრუაზე და ოჯახურ ბედნიერებასაც ეზიარა.

ლიონელ მესი -ანტონელა როკუცო

თარიღი: 30 ივნისი
ადგილი: როსარიო (არგენტინა)

მთავარი საფეხბურთო ქორწილი არგენტინის ქალაქ როსარიოში იყო, სადაც ლიონელ მესი და მისი ერთადერთი სიყვარული ანტონელა როკუცო დაიბადნენ. ქორწინებასთან დაკავშირებით, ქალაქში დიდი ზეიმი მოაწყვეს დროშებითა და ბევრი პოლიციელით.

სხვანაირად ვერ იქნებოდა, რადგან არც ისე მშვიდ როსარიოს "ბარსელონას" მთელი "ოქროს" შემადგენლობა ეწვია. არ დაპატიჟეს მხოლოდ დიეგო მარადონა, რითაც, როგორც ამბობენ, ძალიან გაანაწყენეს ლეგენდა.

ალექსის ოგანიანი -სერენა უილიამსი

თარიღი: 16 ნოემბერი
ადგილი: ნიუ ორლეანი (აშშ)

მივადექით წლის მთავარ ამერიკულ ქორწილს. სერენა უილიამსმა და ალექსის ოგანიანმა 250 სტუმარი დაპატიჟეს და მილიონ დოლარზე მეტი დახარჯეს. სტუმრებს შორის იყვნენ ბეიონსი, ჟაყ-ძ, კიმ კარდაშიანი და საჩოგბურთო ვარსკვლავები კაროლინ ვოზნიაცკის მეთაურობით.

დავიდ კელტი  - აგნიეშკა რადვანსკა

თარიღი: 14 ივლისი
ადგილი: კრაკოვი (პოლონეთი)

პოლონელ ჩოგბურთელ აგნიეშკა რადვანსკას ძალიან წარუმატებელი წელი ჰქონდა (არც ერთი ტიტული არ მოუგია და თითოჯერ ითამაშა სხვადასხვა ტურნირის ფინალში, ნახევარფინალსა და მეოთხედფინალში) და რეიტინგში 28-ე ადგილამდე დაეშვა.

მიუხედავად ამისა, 2017 წელი მაინც კარგად მოსაგონარი იქნება პოლონელისთვის, რადგან მშობლიურ კრაკოვში თავის სპარინგ-პარტნიორ დავიდ კელტზე იქორწინა.

ჟერარდპიკე - შაკირა

ეს იყო ყველაზე ამოუცნობი ისტორია 2017 წელს. ზაფხულში პიკე და შაკირა მესის ქორწილში ერთობოდნენ, შემოდგომაზე კი გავრცელდა ჭორი, რომ უკვე რამდენიმე თვეა, ფეხბურთელი და მომღერალი ერთად აღარ ცხოვრობენ.

ამბობენ, რომ სწორედ შაკირას მიუძღვნა მცველმა უხამსი ჟესტი, როცა "ესპანიოლის" კარში გატანილ გოლს ზეიმობდა.

მაგრამ დღემდე არ არსებობს დადასტურება. პირიქით, საზოგადოებაში პიკე და შაკირა უარყოფენ ჭორებს. ოქტომბერში მომღერალმა "ინსტაგრამში" სიმღერაც განათავსა, რომელიც ფეხბურთელს ეძღვნებოდა.

ყოველდღიური სპორტული გაზეთი "ლელო"
1648
მკითხველის კომენტარები / 0 /
მსგავსი ამბები
რუბრიკის სხვა სიახლეები