[სახალისო VIDEO] ეს არ უნდა გამოტოვოთ! "ქართულმა მაფიამ" პენალტების სერიაში სანაძლეო წააგო, ანუ როგორ გამოჩნდა "რუბინში" მანქანის ქართველ მრეცხავთა სამეული

"რუბინის" საკლუბო ტელევიზია "RubinTV-მ" სახალისო ვიდეო გაავრცელა, სადაც ვხედავთ, როგორ ურეცხავს თანაგუნდელს მანქანას ყაზანელთა ქართული ტრიო - ზურიკო დავითაშილი, ბექა მიქელთაძე და ხვიჩა კვარაცხელია.

საქმე ისაა, რომ ქართველები თანაგუნდელ მეკარე ივან კონოვალოვ პენალტების სერიაში გაეჯიბრნენ. ეს იყო სანაძლეო ასეთი პირობით - წაგებულებს გამარჯვებულის მანქანა უნდა გაერეცხათ...

"პენალტების სერიაში "ქართული მაფიის" წინააღმდეგ ვთამაშობთ. მე მეკარეებს წარმოვადგენ. გამოდის, სამი ერთს მიპირისპირდებიან. დამარცხებულთა პირობაა, რომ გამარჯვებულს მანქან გარეცხონ", - ამბობს ვიდეოში კონოვალოვი.

დავითაშვილის დარტყმას კონოვალოვი თითქმის შესწვდა, მაგრამ ვერ მოიგერია, მიქელთაძისა და კვარაცხელიას დარტყმებს კი გაუმკლავდა. შედეგად, მთავარმა მწვრთნელმა რომან შარონოვმა აიძულა ფეხბურთელები, მანქანა გაერეცხათ.

ბოლო და გადამწყვეტი პენალტი კვარაცხელიამ დაარტყა. მეკარემ ბურთის მიმართულება გამოიცნო და მოიგერია. მიქელთაძე გაეხუმრა: "ბიჭო სამი დღით ადრე წავიდა (ალბათ - გადახტა) და როგორ ვერ გაუტანე?!".

სამივე ქართველმა მეკარესა და მთავარ მწვრთნელთან ერთად გვარიანად იხალისა. დამტვრეული რუსულით განსაკუთრებით კვარაცხელია ხუმრობდა - "რუბინის" საუკეთესო მრეცხავი ვარ". ბოლოს კი მოგებულ-წაგებულები კამერის წინ ისე დადგნენ, თითქოს, სამახსოვრო ფოტოს იღებდნენ.

"ქართველ ფეხბურთელებს ამ წაგებისთვის გულშემატკივრის თვალში რეაბილიტაციის უახლოესი შესაძლებლობა კვირას მიეცემათ, როც "რუბინი" რუსეთის პრემიერლიგის მორიგ ტურში გასვლაზე "როსტოვს" შეხვდება", - წერს kazanfirst.

5873
მკითხველის კომენტარები / 0 /
მსგავსი ამბები
რუბრიკის სხვა სიახლეები
;