სემ ელერდაისმა ევერტონი დატოვა... ვინ ჩაიბარებს კანფეტებს?

ინგლისის ნაკრების ყოფილმა მწვრთნელმა, სემ ელერდაისმა ლივერპულის "ევერტონი" დატოვა. ამ ინფორმაციას "კანფეტების" ოფიციალური ვებ-გვერდი ადასტურებს. კონტრაქტი ორმხრივი შეთანხმების საფუძველზე გაწყვიტეს.

"დიდმა სემმა" "ლურჯები" 2017 წელს ჩაიბარა, მან რონალდ კუმანის პოსტი დაიკავა. იმ დროისათვის, "ევერტონი" მე-13 ადგილზე იყო, ელერდაისის ხელმძღვანელობით კი ლივერპულურმა კლუბმა სეზონი მე-8 ადგილზე დაამთავრა.

ბრიტანული მედიის ცნობით, ელერდაისის შემცვლელად "უოტფორდისა" და "ჰალ სიტის" ყოფილი თავკაცი, პორტუგალიელი სპეციალისტი მარკო სილვა მოიაზრება.

281
მკითხველის კომენტარები / 0 /
მსგავსი ამბები
რუბრიკის სხვა სიახლეები