სერბეთის ნაკრების მწვრთნელი ალექსანდრ ჯორჯევიჩი: საქართველო შენგელიათი ორმაგად საშიშია

29 ივნისს მსოფლიოს თასის საკვალიფიკაციო მატჩში საქართველო სერბეთს უმასპინძლებს. თბილისში გამომგზავრების წინ სერბების მთავარმა მწვრთნელმა ალექსანდრ ჯორჯევიჩმა პრესკონფერენცია გამართა, სადაც სხვა საკითხებთან ერთად საქართველოს ნაკრებზეც ილაპარაკა.

- საკვალიფიკაციო ეტაპის ახალი სისტემის შემოღების შემდეგ მოსამზადებლად ძალიან მცირე დრო გვრჩება. დროის უკმარისობის მიუხედავად ნოვი სადში განვლილი მოსამზადებელი პერიოდით კმაყოფილი ვარ. გვესტუმრა ირანის ნაკრები და საკონტროლო მატჩები ვითამაშეთ. ზოგმა კალათბურთელმა სეზონი ადრე დაამთავრა და მათ სათამაშო პრაქტიკა სჭირდებოდათ.

- ჩვენი დევიზია - მაქსიმალურად მომზადებული შევხვდეთ უახლოეს მატჩს. საქართველოს ნაკრებთან შეხვედრას დიდი მნიშვნელობა აქვს. მასთან მოგება-წაგება მომდევნო ეტაპზე გადაგვყვება და თუ მსოფლიოს ჩემპიონატზე თამაში გვინდა თბილისში უნდა მოვიგოთ.

- სასიამოვნოა, რომ ჩემი გუნდის კალათბურთელები მოედანზე მხოლოდ ერთმანეთისთვისა და ქვეყნისთვის თამაშობენ. ნაკრებში სამუშაო და საბრძოლო ატმოსფეროა. სწორედ ეს დაგვეხმარება საქართველოში წარმატებით თამაშში. ძალიან რთული მატჩი გველის. მასპინძელთა გუნდი ორმაგად ძლიერი იქნება თორნიკე შენგელიასთან ერთად, რომელსაც ზურგს საოცარი სეზონი უმაგრებს.

სერბეთი-საქართველო 105:87 - როცა გაკლდება ერთადერთი რაღაც [VIDEO]

- გვაქვს სხვადასხვა სახის ტრავმები. დაშავებულია სტეფან იელოვაცი, რომლის თბილისში თამაში ძალიან მნიშვნელოვანია, რადგან მძიმე ფორვარდი თორნიკე შენგელია გვყავს დასაჭერი. გაგიჩმა ტრავმა ირანთან მატჩში მიიღო, თუმცა თბილისში ისიც მოდის. ასეთივე პრობლემა აქვს მილუტინოვს...

- ყველაზე გვიან ამერიკიდან ჩამოსული ბობან მარიანოვიჩი შემოგვიერთდა. როგორც ითქვა, იგი 24-ში მოვიდა და 25-დან გუნდთან ერთად ვარჯიშობს. ბობანმა ირანთან მატჩები გამოტოვა. სეზონის გათვალისწინებით იგი თავის ოპტმალურ ფორმაში არ არის, მაგრამ ვიცი, რომ მაქსიმუმს გაიღებს წარმატებისთვის.

ალექსანდრ ჯორჯევიჩმა თბილისში ეს შემადგენლობა იახლა:

ილია ჯოკოვიჩი, სტეფან პენო, ნემანია ნედოვიჩი, ალექსა ავრამოვიჩი, ვასილე მიჩიჩი, ოგნენ დობრიჩი, დრაგან მილოსავლიევიჩი, მარკო სიმონოვიჩი, ბობან მარიანოვიჩი, ჯორჯე გაგიჩი, ნიკოლა მილუტინოვი, სტევან იელოვაცი, დეიან ტოდოროვიჩი.

ყოველდღიური სპორტული გაზეთი "ლელო"
2079
მკითხველის კომენტარები / 0 /
მსგავსი ამბები
რუბრიკის სხვა სიახლეები
;