სერია A. VIII ტურის მიმოხილვა: ბევრი გოლი, ქამბექი და დიდი ბრძოლა [VIDEO]

სერია A-ს მორიგი ტური სასწაული მატჩით გაიხსნა. პირველი ტაიმის შემდეგ “ატალანტა” გასვლაზე 3:0-ს უგებდა “ლაციოს”, მაგრამ... საბოლოოდ მხოლოდ ფრეს გამორჩა. არადა, მურიელის დუბლისა და გომესის გოლის შემდეგ ამას მართლაც ვერავინ წარმოიდგენდა...

“ლაციოს” აღმავლობა დაიწყო 69-ე წუთზე, როცა ჩირო იმობილემ 11-მეტრიანი შეაგდო. ამას კორეას გოლი მოჰყვა. დამატებულ დროში კი ისევ იმობილემ შეასრულა ზუსტად პენალტი.

“ორივე პენალტი, რომელიც ჩვენს კარში დაინიშნა, ხუმრობა მეგონა. ასეთი რამ არ მინახავს”, - თქვა “ატალანტას” დამრიგებელმა ჯანპიერო გასპერინიმ. “სუფთა პენალტები იყო. არ მესმის, რა არის აქ განსახილველი”, - თქვა “ლაციოს” გურუმ სიმონე ინძაგიმ.

არკადიუშ მილიკის დუბლით “ნაპოლიმ” საშინაო ასპარეზზე მოუგო “ვერონას”. არადა, სტუმრებს არაერთი მომენტი ჰქონდათ და ცოტა მეტი სიზუსტე რომ გამოეჩინათ, კარლო ანჩელოტის გუნდის საქმე კარგად არ იქნებოდა.

“გუნდის გაძლიერება? ამაღამ ზლატანს დავურეკავ. 30 თამაშში 29 გოლი გაიტანა MLS-ში”, - იხუმრა კარლო ანჩელოტიმ. “ვერონას” დამრიგებელი ივან იურიჩი კი თავდამსხმელებს შემოსწყრა - უნდა გამოიღვიძონო.

ბეწვის ხიდზე გაიარა “იუვენტუსმა”. კრიშტიანო რონალდომ თავიდანვე გაუტანა სინიშა მიხაილოვიჩის გუნდს, მაგრამ დანილომ მალევე გაათანაბრა. ბოლოს მირალემ პიანიჩმა გამარჯვებისა შეაგდო. 

“იუვენტუსი” ნაღდად ვერ მოიგებდა, სულ ბოლოს ჯანლუიჯი ბუფონს ორჯერ დიდებულად რომ არ ეთამაშა. მატიის დე ლიხტს ბურთი ხელზეც შეეხო, მაგრამ არბიტრმა პენალტი არ დანიშნა.

“ბუფონი ძალიან კარგი იყო. დაცვაში ბევრად უკეთესად უნდა ვითამაშოთ. ეს აუცილებელი პირობაა წარმატებისთვის”, - თქვა მაურიციო სარიმ.
“ინტერი” გასვლაზე 4:1-ს უგებდა “სასუოლოს”, მაგრამ საბოლოოდ, მხოლოდ ერთი ბურთით მოუგო. “ნერაძურის” რიგებში დუბლები მიითვალეს რომელუ ლუკაკუმ და ლაუტარო მარტინესმა. კინაღამ შედგა ტურის მეორე დიდი “ქამბექი”.

“ნაადრევი ცვლილებები გავაკეთეთ. ბოლო წუთებში ჩვენი დაცვა აირია და კინაღამ ფრედ ვითამაშეთ. სხვა დროს უფრო დაკვირვებულები უნდა ვიყოთ”, - თქვა ანტონიო კონტემ.

“რომას” გაუგდეს ჯასტინ კლუივერტი და დედაქალაქურმა გუნდმა ვერ მოიგო გასვლითი შეხვედრა “სამპდორიასთან”, რომელსაც გუშინ პირველად მოძღვრავდა კლაუდიო რანიერი. 

უიღბლო გამოდგა სტეფანო პიოლის დებიუტი “მილანის” მთავარი მწვრთნელის პოსტზე. “როსონერი” ორჯერ იგებდა, მაგრამ “ლეჩემ” ორჯერვე გაათანაბრა ანგარიში - 2:2. 

ლაციო-ატალანტა 3:3
გოლები: 0:1 მურიელი (23), 0:2 მურიელი (28), 0:3 გომესი (37), 1:3 იმობილე (69-პენ), 2:3 კორეა (70), 3:3 იმობილე (90+3-პენ)

ნაპოლი-ვერონა 2:0
გოლები: 1:0 მილიკი (37), 2:0 მილიკი (67)



იუვენტუსი-ბოლონია 2:1
გოლები: 1:0 რონალდო (19), 1:1 დანილო (26), 2:1 პიანიჩი (54)



სასუოლო-ინტერი 3:4
გოლები: 0:1 ლ. მარტინესი (2), 1:1 ბერარდი (16), 1:2 ლუკაკუ (38), 1:3 ლუკაკუ (45-პენ), 1:4 ლ. მარტინესი (71), 2:4 ჯურიჩიჩი (74), 3:4 ბოგა (82) 



კალიარი-სპალ 2:0
გოლები: 1:0 ნაინგოლანი (9), 2:0 ფარაგო (67)

სამპდორია-რომა 0:0
გაძევება: კლუივერტი (86. რომა)

უდინეზე-ტორინო 1:0
გოლი: 1:0 ოკაკა (42)

პარმა-ჯენოა 5:1
გოლები: 1:0 კუცკა (38), 2:0 კორნელიუსი (42), 3:0 კორნელიუსი (45+1), 4:0 კორნელიუსი (50), 4:1 პინამონტი (52), 5:1 კულუშევსკი (79)

მილანი-ლეჩე 2:2
გოლები: 1:0 ჩალჰანოღლუ (20), 1:1 ბაბაქარი (62), 2:1 პიონტეკი (81), 2:2 კალდერონი (90+2)
გამოუყენებელი პენალტი: ბაბაქარი (62. ლეჩე)

ორშაბათი, 21 ოქტომბერი
ბრეშა-ფიორენტინა 22:45

1. იუვენტუსი 8 7 1 0 15:7 22
2. ინტერი 8 7 0 1 18:7 21
3. ატალანტა 8 5 2 1 21:13 17
4. ნაპოლი 8 5 1 2 17:10 16
5. კალიარი 8 4 2 2 12:7 14
6. რომა 8 3 4 1 12:10 13
7. ლაციო 8 3 3 2 16:09 12
8. პარმა 8 4 0 4 13:11 12
9. ფიორენტინა 7 3 2 2 12:10 11
10. უდინეზე 8 3 1 4 4:6 10
11. ტორინო 8 3 1 4 10:11 10
12. მილანი 8 3 1 4 8:11 10
13. ბოლონია 8 2 3 3 10:11 9
14. ვერონა 8 2 3 3 6:7 9
15. ლეჩე 8 2 1 5 9:17 7
16. ბრეშა 6 2 0 4 7:9 6
17. სასუოლო 7 2 0 5 14:16 6
18. სპალ 8 2 0 6 6:15 6
19. ჯენოა 8 1 2 5 9:20 5
20. სამპდორია 8 1 1 6 4:16 4



ბომბარდირები: 9 - ჩ. იმობილე (ლაციო); 6 - დ. ბერარდი (სასუოლო), დ. საპატა (ატალანტა); 5 - რ. ლუკაკუ (ინტერი), ლ. მურიელი (ატალანტა), ა. ბელოტი (ტორინო).

ყოველდღიური სპორტული გაზეთი "ლელო"
437
მკითხველის კომენტარები / 0 /
მსგავსი ამბები
რუბრიკის სხვა სიახლეები
;