სერია A. ბოლო ტურის წინათქმა: ერთი ნაბიჯი ლიგის საგზურამდე

ერთი ტურიც და იტალიის სერია A-ს მორიგი მარათონი ისტორიის კუთვნილება გახდება - ჩემპიონატი, რომელმაც “იუვენტუსის” დომინაციით ჩაიარა და უკვე დიდი ხანია, “ბებერმა ქალბატონმა” სკუდეტოს მოგებით მთავარი ინტრიგა მოკლა. 

ახლა პასუხგაუცემელი რჩება ორი კითხვა - რომელი გუნდები მოიპოვებენ ჩემპიონთა ლიგის დარჩენილ ორ საგზურს და რომელი გუნდი დატოვებს სერია A-ს “კიევოსა” და “ფროზინონესთან” ერთად.

ჩემპიონთა ლიგაზე უსათუოდ გავლენ “ატალანტა” და “ინტერი” იმ შემთხვევაში, თუ ისინი საკუთარ თამაშებს მოიგებენ. ერთი შეხედვით ამის გაკეთება რთული არ უნდა იყოს, მაგრამ “ინტერს” შედარებით უნდა გაუჭირდეს. საქმე ისაა, რომ ლევან მჭედლიძის “ემპოლი” გააფთრებით იბრძვის უძლიერესთა შორის ადგილის შესანარჩუნებლად.

ორიდან ერთი კონკურენტის წაფორხილებას ელოდება “მილანი”, რომელმაც აუცილებლად უნდა დაამარცხოს სპალ-ი. წესით, ეს პრობლემა არ უნდა იყოს ჯენარო გატუზოს გუნდისთვის. მილანელებმა ამ გუნდს ყველგან მოუგეს, სადაც კი შეხვდნენ.

ოღონდ, “როსონერისთვის” ცუდი ის არის, რომ 3 ქულა, შესაძლოა, საკმარისი არ იყოს ლიგაზე გასასვლელად. არავინ იცის, შეინარჩუნებს თუ არა ასეთ შემთხვევაში მთავარი მწვრთნელის პოსტს გატუზო.

დიდი ბრძოლაა გაჩაღებული “მზის ქვეშ” ადგილის შესანარჩუნებლად. ასე განსაჯეთ, სერია A-ში ადგილი შენარჩუნებული არც ოდინდელ გრანდს, “ფიორენტინას” აქვს. არადა, ცოტა ხნის წინ ეს გუნდი ევროსაგზურებისთვის იბრძოდა...

ფაქტები

* “ტორინოსა” და “ლაციოს” შორის ბოლო 2 შეხვედრაში 2,5-ზე ნაკლები გოლი გავიდა.

* “იუვენტუსმა” უკანასკნელ 2 შეხვედრაში აჯობა “სამპდორიას”.

* “რომასა” და “პარმას” შორის ბოლო 2 თამაშში 2,5-ზე ნაკლები გოლი გავიდა.

* “ატალანტამ” უკანასკნელ 3 შეხვედრაში შანსი არ დაუტოვა “სასუოლოს”.

* “ფიორენტინასა” და “ჯენოას” ბოლო შეხვედრა ფრედ დასრულდა.

* “ინტერმა” ბოლო 6 დაპირისპირებაში დაამარცხა “ემპოლი”.

იტალია. სერია A. ბოლო ტური

შაბათი, 25 მაისი
ფროზინონე-კიევო 20:00
ბოლონია-ნაპოლი 22:30

კვირა, 26 მაისი
ტორინო-ლაციო 17:00
სამპდორია-იუვენტუსი 20:00
რომა-პარმა 22:30
ატალანტა-სასუოლო 22:30
კალიარი-უდინეზე 22:30
ფიორენტინა-ჯენოა 22:30
ინტერი-ემპოლი 22:30
სპალ-მილანი 22:30

თ მ ფ წ ბ ქ
1. იუვენტუსი 37 28 6 3 70:28 90
2. ნაპოლი 37 24 7 6 72:33 79
3. ატალანტა 37 19 9 9 74:45 66
4. ინტერი 37 19 9 9 55:32 66
5. მილანი 37 18 11 8 52:34 65
6. რომა 37 17 12 8 64:47 63
7. ტორინო 37 15 15 7 49:36 60
8. ლაციო 37 17 8 12 55:43 59
9. სამპდორია 37 14 8 15 58:51 50
10. სასუოლო 37 9 16 12 52:57 43
11. სპალ 37 11 9 17 42:53 42
12. ბოლონია 37 10 11 16 45:54 41
13. პარმა 37 10 11 16 40:59 41
14. კალიარი 37 10 11 16 35:52 41
15. ფიორენტინა 37 8 16 13 47:45 40
16. უდინეზე 37 10 10 17 37:52 40
17. ემპოლი 37 10 8 19 50:68 38
18. ჯენოა 37 8 13 16 39:57 37
19. ფროზინონე 37 5 9 23 29:69 24
20. კიევო* 37 2 13 22 25:75 16
* - კიევოს დაკლებული აქვს 3 ქულა

ბომბარდირები: 26 - კვალიარელა (სამპდორია); 22 - დ. საპატა (ატალანტა), პიონტეკი (მილანი); 21 - რონალდო (იუვენტუსი).

ყოველდღიური სპორტული გაზეთი "ლელო"
523
მკითხველის კომენტარები / 0 /
მსგავსი ამბები
რუბრიკის სხვა სიახლეები
;