სერია A. გიგა ჯანელიძე: ვარჯიშს ერთ თვეში განვაახლებ

გიგა ჯანელიძემ "ტრიესტესთან" ერთად იტალიის სერია A-ს საგზური გასულ მაისში მოიპოვა. 2018-19 წლების სეზონში კი იტალიის უმაღლეს ლიგაში გიგას დებიუტი ვიტქორ სანიკიძის ყოფილ კლუბ "ვირტუსთან" მატჩში შედგა.

ყველაფერი მშვენივრად დაიწყო - გიგა სასტარტო ხუთეულში გამოჩნდა, თუმცა მეოთხე წუთზე იგი მწვრთნელმა მოედნიდან გაიყვანა და ამაოდ ველოდით დაბრუნებას.

სამწუხაროდ, ამის მიზეზი ტრავმა იყო - გიგას მარჯვენა ფეხის კოჭი დაუზიანდა და მატჩის გაგრძელება ვერ შეძლო.

- ბოლონიელებთან შეხვედრის მესამე წუთზე ფეხი ვიტკინე და დიდი სურვილის მიუხედავად მატჩის გაგრძელება ვეღარ შევძელი, - გვითხრა გიგამ იტალიაში რომ შევეხმიანეთ.

რამდენად სერიოზულია ტრავმა? - ჩნდება შეკითხვა. როგორც აღმოჩნდა, ქირურგიული ჩარევის გარეშე საქმეს ვერ ეშველება:

- ექიმებმა კარგად შეისწავლეს ჩემი მდგომარეობა და 11 ოქტომბერს ოპერაცია დამინიშნეს. თუმცა ეს იქნება მსუბუქი ოპერაცია, რის შემდეგაც რეაბილიტაციისთვის ერთი თვე დამჭირდება.

ჯანელიძე ოპერაციას რეჯო ემილიაში გაიკეთებს, იქ, სადაც მანუჩარ მარკოიშვილმა იმკურნალა.

ყოველდღიური სპორტული გაზეთი "ლელო"
348
მკითხველის კომენტარები / 0 /
მსგავსი ამბები
რუბრიკის სხვა სიახლეები