სერია A: მანუჩარ მარკოიშვილის სუპერ-გამარჯვება

იტალიის ჩემპიონატში სენსაციური გამარჯვება მოიპოვა მანუჩარ მარკოიშვილის "რეჯო ემილიამ".

სენსაციური იმიტომ შეიძლება დაიწეროს, რომ ამ გუნდმა სეზონი არადამაჯერებლად დაიწყო, თორემ ვისაც "რეჯოს" თამაშები უნახავს, დაგვეთანხმება, რომ კარგი შემადგენლობაა შეკრებილი და სეზონის სტარტზე ბოლო ადგილი მისთვის შეუფერებელი იყო.

სერია A-ს მეათე ტურში ემილიელების მეტოქე "ვენეცია" იყო, გუნდი, რომელიც ჩემპიონობისთვის იბრძვის და 9 ტურის შემდეგ 7 მოგება ჰქონდა.
დაძაბულ ბრძოლაში მანუს თანაგუნდელებმა ვენეციაში ორი ქულის სხვაობით გაიმარჯვეს - 68:66. მეოთხე პერიოდში მანუმ ორჯერ ჩააგდო, ჯერ თანაგუნდელები 58:51 დააწინაურა, შემდეგ - 60:56.

ქართველმა უკანახაზელმა ბოლო 11 წუთში 7 ქულა მიითვალა. საბოლოოდ კი 11 ქულა, 7 მოხსნა და 5 პასი მოუგროვდა. მან რეჯოემილიელთაგან ყველაზე მეტი - 36 წუთი ითამაშა და, რა თქმა უნდა, გამარჯვებაშიც ლომის წილი დაიდო.

მანუს თანაგუნდელებს 10 ტურის შემდეგ 3 მოგება აქვთ და სატურნირო ცხრილის ქვედა ნაწილშია.

1216
მკითხველის კომენტარები / 0 /
მსგავსი ამბები
რუბრიკის სხვა სიახლეები
;