სერია A: მანუჩარ მარკოიშვილის შვიდქულიანი

მანუჩარ მარკოიშვილის "რეჯო ემილია" იტალიის ჩემპიონატს პლეი ოფში მოსახვედრად იბრძვის. მას დარჩენილ ოთხ ტურში რაც შეიძლება მეტი ქულის მოგროვება სჭირდება, წინააღმდეგ შემთხვევაში მასზე ორი მოგებით წინ მყოფ მერვეადგილოსანს ვერ გაასწრებს.

რეჯოელებისთვის ოქროს ფასი ჰქონდა კრემონას "ვანოლისთან" გამარჯვებას. ეს გუნდი მათი უშუალო კონკურენტია და მას შემდეგ, რაც მანუს თანაკლუბელებმა 91:84 დაამარცხეს, ერთი მოგებითღა ჩამორჩებიან.

"რეჯო ემილიას" სადღეისოდ 11 მოგება და 15 წაგება აქვს, "ვანოლის" - 12 მოგება და 14 მარცხი, ხოლო მეშვიდე-მეცხრეადგილოსნებს ("ვარეზე", "დინამო სასარი", "კანტუ") - 13-13 მოგება-წაგება. პლეი ოფში საუკეთესო რვა გადის.

კრემონელებთან მატჩში მხოლოდ 10 წუთი დაისვენა მანუჩარ მარკოიშვილმა, რომელმაც 30 წუთში 7 ქულა, 4 პასი და 1 მოხსნა გაიფორმა. ბომბარდირობა არავის დაუთმო მისმა ამერიკელმა თანაგუნდელმა ჯულიან რაითმა - 23 ქულა.

"რეჯო ემილია" მომდევნო მატჩს 22 აპრილს ასევე შინ, "ტორინოსთან" გამართავს.

779
მკითხველის კომენტარები / 0 /
მსგავსი ამბები
რუბრიკის სხვა სიახლეები
;