სერია A: მანუჩარ მარკოიშვილი VS დუდა სანაძე

იტალიის სერია A-ში 2009-2012 წლებში ქართული დუელებით განებივრებულები ვიყავით. მანუჩარ მარკოიშვილისა და ვიქტორ სანიკიძის გუნდები წამყვან პოზიციებზე იყვნენ და ერთმანეთსაც ხშირად ეთამაშებოდნენ. ერთი სეზონი ჩაატარა ნიკა მეტრეველმაც.

მას მერე პირველი ქათული დუელი იტალიაში წლეულს შედგა: მანუჩარ მარკოიშვილის "რეჯო ემილიამ" დუდა სანაძის "პისტოიას" უმასპინძლა და ჩემპიონატში პირველი გამარჯვება მოიპოვა - 90:42.

მანუმ გამარჯვებაში 9-ქულიანი წვლილი შეიტანა, სრული მონაგარი კი, ასეთი იყო: 28 წუთი, 9 ქულა (6-დან 3 სამქულიანი), 1 მოხსნა, 1 ჩაჭრა, 4 პასი.

დუდა სანაძის სტატისტიკა: 20 წუთი, 2 ქულა, 1 მოხსნა, 1 პასი.

იტალიაში მომდევნო ტური 18 ნოემბერს გაიმართება. "რეჯო ემილია" "კრემონასთან" სტუმრად ითამაშებს, ხოლო "პისტოია" - ასევე გასვლაზე "ვენეციასთან". ამ შეხვედრების შემდეგ ქართველი კალათბურთელები ეროვნულ ნაკრებს შეუერთდებიან და 24 ნოემბერს გერმანიაში გასამართი მატჩისთვის მოემზადებიან.

1393
მკითხველის კომენტარები / 0 /
მსგავსი ამბები
რუბრიკის სხვა სიახლეები
;