სერია A: მარკოიშვილისა და სანაძის 23 ქულა

დუდა სანაძის "პისტოიამ" "აველინოს" უმასპინძლა და 71:86 დამარცხდა, ხოლო მანუჩარ მარკოიშვილის "რეჯო ემილიამ", ასევე სტუმრად ვერაფერი გააწყო "ორლანდინოსთან" - 69:75.

"პისტოიას" ქართველი უკანახაზელი დუდა სანაძე თამაშში სათადარიგოთა სკამიდან ჩაერთო და მოედანზე 26 წუთი გაატარა. დროის ამ მონაკვეთში მან 6-დან 3 ოქრულიანი, 3-დან 1 სამიანი და 2-დან 1 საჯარიმო ჩააგდო. მთლიანობაში 10 ქულა, 3 მოხსნა და 2 ჩაჭრა მიითვალა. პისტოიელთაგან 15 ქულით საუკეთესო რონალდ მური გახლდათ.

მანუჩარ მარკოიშვილმა "რეჯო ემილიას" 13 ქულა შემატა, სრული მონაგარი კი ასეთი იყო: 34 წუთი, 4-დან 2 ორქულიანი, 10-დან 3 სამიანი, 5 მოხსნა, 2 პასი. ემილიელმა ამადეო დელა ვალემ 26 ქულას უწია.

2 მოგებითა და 2 მარცხით "პისტოია" ცხრილში მე-8 ადგილზე იმყოფება. "რეჯო ემილიას" კი ჩემპიონატში ჯერ გამარჯვება არ მოუპოვებია. მორიგი მატჩი სანაძის გუნდს 29 ოქტომბერს, სტუმრად "ვარეზესთან" ელის, მარკოიშვილის გუნდსაც 29-ში - შინ, "კრემონასთან".

2039
მკითხველის კომენტარები / 0 /
მსგავსი ამბები
რუბრიკის სხვა სიახლეები