[VIDEO] სერია A-ს სიმბოლურში პოსტსაბჭოეთიდან მხოლოდ კალაძე და შევჩენკო დაასახელეს!

კახა კალაძე იტალიის სერია „ა“-ში ნათამაშები აღმოსავლეთ ევროპის ქვეყნების ფეხბურთელების სიმბოლურ ნაკრებში დაასახელეს - შემადგენლობა პორტალმა „ფუტბოლ იტალიამ“ (Football Italia) შეარჩია.

აღსანიშნავია, რომ სერია „ა“-ში ბევრ ცნობილ პოსტსაბჭოელ ფეხბურთელს უთამაშია: რუსეთის ნაკრების წევრებიდან იგორ დობროვოლსკის ("ჯენოა"), ომარი თეთრაძეს ("რომა"), იგორ სიმუტენკოვს ("რეჯინა", "ბოლონია"), დიმიტრი ალენიჩევს ("რომა", "პერუჯა"), ანდრეი კანჩელსკისს ("ფიორენტინა"), იგორ კოლივანოვს ("ფოჯა", "ბოლონია"), თავად რუსები საუკეთესოდ იგორ შალიმოვს („ინტერი“, „ფოჯა“, „ინტერი“,“უდინეზე“, ბოლონია“) აღიარებენ. ასევე უთამაშიათ ბელარუს ვიტალი კუტუზოვს („მილანი“, ‘აველინო“, „სამპდორია“, „პარმა“, „პიზა“, „ბარი“), მოლდოველ არტურ იონიცეს („კალიარი“),უდავოდ მაღალი კლასის მოთამაშეა სომეხი ჰენრიხ მხითარიანი, რომელიც ამჟამად პოსტსაბჭოურ სივრცეში ყველაზე ძრვირადღირებული მოთამაშეა, დღესაც „რომაში“ თამაშობს.

მაგრამ პორტალის შედგენილ 11 რჩეულში მხოლოდ მხოლოდ ორი ქვეყნის წარმომადგენელი, ქართველი მცველი კახა კალაძე და უკრაინელი თავდამსხმელი ანდრეი შევჩენკო მოხვდნენ. აღსანიშნავია, რომ „ფუტბოლ იტალიამ“ სიმბოლური ნაკრები უცნაური სქემით, 3-6-1 სათამაშო სისტემით შეადგინა, ანუ კალაძე სამ მცველს შორის მოხვდა.

თუმცა, ცოტა ცუნაური ისაა, რომ პოლონური ფეხბურთის ლეგენდა ზბიგნევ ბონეკი ნახცევარმცველებში დაასახელეს, როდესაც წლების განმავლობაში „იუვენტუსში“ უმნიშვნელოვანესი გოლები გაჰქონდა.

სიმბოლური გუნდი ასე გამოიყურება:

მეკარე: სამირ ჰანდანოვიჩი (სლოვენია - ”უდინზე”, ”ინტერი”);

მცველები: კახა კალაძე (საქართველო - "მილანი", "ჯენოა"), კრისტიან კივუ (რუმინეთი - "რომა", "ინტერი"), სინიშა მიხაილოვიჩი (იუგოსლავია/სერბეთი - "რომა", "სამპდორია", "ლაციო", "ინტერი");

ნახევარმცველები: ზვონიმირ ბობანი (იუგოსლავია / ხორვატია - "მილანი"), დეიან სტანკოვიჩი (იუგოსლავია / სერბეთი - "ლაციო", "ინტერი"), ვლადიმერ იუგოვიჩი (იუგოსლავია / სერბეთი - "სამპდორია", "იუვენტუსი", "ლაზიო", "ინტერი") "), პაველ ნედვედი (ჩეხეთი - „ლაციო“, „იუვენტუსი“), დეიან სავიჩევიჩი (იუგოსლავია / ჩერნოგორია - „მილანი“), ზბიგნევ ბონეკი (პოლონეთი - „იუვენტუსი“, „რომა“);

თავდამსხმელი: ანდრეი შევჩენკო (უკრაინა - მილანი).

კახა კალაძე, რომელიც „მილანის“ გარდა, „ჯენოაშიც“ თამაშობდა, გამოცემამ ასე დაახასიათა: „კახა კალაძე ახალი საუკუნის დასაწყისის კარლო ანჩელოტის „მილანის“ ერთ-ერთი ყველაზე დაუფასებელი მეომარი იყო. ქართველი ძლიერი და ინტელექტუალური მოთამაშე გახლდათ. ალბათ, მისი საუკეთესო თვისება უნივერსალურობა იყო, რამაც საშუალება მისცა ნებისმიერი დაცვითი როლი შეესრულებინა - სულ „როსონერთათვის" 284 მატჩი ჩაატარა. ის ძირითად შემადგენლობაში ისეთ ფეხბურთელებს უწევდა კონკურენციას, როგორებიც იყვნენ პაოლო მალდინი, ალესანდრო ნესტა, კაფუ და იაპ სტამი. კალაძის სიაში მოხვედრა ასევე გამართლებულია მისი ტიტულების გამოც, რადგან „მილანის" შემადგენლობაში ყველაფერი მოიგო, მათ შორის სკუდეტო, ორჯერ ჩემპიონთა ლიგა, უეფას სუპერთასი და საკლუბო ფეხბურთის მსოფლიო ჩემპიონატი“.

1809
მკითხველის კომენტარები / 0 /
მსგავსი ამბები
რუბრიკის სხვა სიახლეები
;