სერია A: ცხრა მანუ, ჩარი ემილია

მანუჩარ მარკოიშვილმა ევროთასის ოფიციალური საიტის ჟურნალისტებისთვის მიცემულ ინტერვიუშიც აღნიშნა, რომ სჯერა, მისი გუნდი იტალიის ჩემპიონატშიც მიაღწევს პლეი ოფს. 

ამ მიზნისკენ მისმა "რეჯო ემილიამ" მნიშვნელოვანი ნაბიჯი გადადგა: სტუმრად ერთ-ერთი კონკურენტი "პისტოია" ოთხი ქულის სხვაობით დაამარცხა - 78:74.

მძიმე გამარჯვება იყო: მეოთხე პერიოდის წინ "პისტოია" 8 ქულს სხვაობით იგებდა (66:58). ბოლო რაუნდში ანგარიში მანუმ გახსნა, ხოლო საფინალო სირენამდე 6 წუთით ადრე მისი სამქულიანით "რეჯო ემილია" ანგარიშში დაწინაურდა - 67:66. 

დარჩენილ დროში მასპინძლებმა ემილიელების შეჩერება ვეღარ მოახერხეს და ეს იყო მარკოიშვილის გუნდის მეათე გამარჯვება სერია A-ში (11 წაგება აქვს). იგი საპლეიოფო ზონის გუნდებს ერთი მოგებითღა ჩამორჩება. იტალიის პირველობის დასრულებამდე 8 ტურია. ასე რომ, "რეჯო ემილიას", თუ ასე განაგრძო, თავისუფლად შეუძლია საპლეიოფო რვაეულში მოხვედრა.

ახლა მანუჩარ მარკოიშვილის მონაგარზე დუდა სანაძის ყოფილ კლუბ "პისტოიასთან": 25 წუთი, 9 ქულა (5-დან 3 ორქულიანი, 4-დან 1 სამიანი), 2 მოხსნა, 2 პასი, 2 ჩაჭრა. მატჩის ბომბარდირი, 17 ქულით მისი თანაგუნდელი ნიკოლო დე ვიკო გახდა.

1151
მკითხველის კომენტარები / 0 /
მსგავსი ამბები
რუბრიკის სხვა სიახლეები
;