სერია A. VI ტურის წინათქმა: არავინ არაფერს არ დათმობს, კონტე რეკორდზე მიდის

სერია A-ს მორიგი ტური „იუვენტუსის“ მატჩით დაიწყება და, რა თქმა უნდა, ჩვენც „ბებერი ქალბატონით“ დავიწყოთ. რა თქმა უნდა, სპალ-ი ვერაა ძლიერი მოწინააღმდეგე, მაგრამ ვერც ფავორიტია ოპტიმალურ სათამაშო ფორმაში.

„იუვენტუსი“ ძალიან მძიმედ ირჯება. მისთვის ალბათ შვება იქნება ის, რომ გუნდს უნდა დაუბრუნდეს კრიშტიანო რონალდო. წესით, მასპინძელმა 3 ქულა უნდა აიღოს.

ბოლო დროს „ინტერი“ სულ უგებს „სამპდორიას“ და ახლაც უნდა მოუგოს, თუ ორივე გუნდის სათამაშო ფორმას გავითვალისწინებთ. ანტონიო კონტეს უნდა, რომ მისი გუნდი საჩემპიონო ბრძოლაში იყოს, საამისოდ კი ქულების დაგროვებაა საჭირო.

„ნაპოლი“ ეთამაშება „ბრეშას“. კარლო ანჩელოტის მიერ გაწვრთნილი გუნდი, თითქოს, შესანიშნავ ფორმაშია, მაგრამ შუა კვირაში საკუთარ მოედანზე „კალიარისთან“ მოულოდნელად წააგო და ახლა ის არის საკითხავი - შემთხვევითობა იყოს ეს თუ ნეაპოლელებს ჩავარდნა დაეწყოთ.

საინტერესო უნდა გამოდგეს „მილანისა“ და „ფიორენტინას“ დაპირისპირება. ფლორენციელებმა გვარიანად გააძლიერეს შემადგენლობა, თუმცა მოსამატებელი აქვთ. ასევე მოსამატებელი აქვს „მილანს“, რომელსაც განსაკუთრებულად უჭირს შეტევაში.

„ლაციო“ „ჯენოასთან“ მოსინჯავს ძალას. რომაელებს ისეთი შემადგენლობა ჰყავთ, ნებისმიერი მოწინააღმდეგის წაქცევა შეუძლიათ და გამონაკლისი არც „ჯენოა“ უნდა იყოს. „ლაციალე“ ბოლო თამაშებში შედეგიანი ვერაა და, შეიძლება, გენუელებთან გატეხოს ნავსი.

ფაქტები

* „იუვენტუსისა“ და სპალ-ის ბოლო შეხვედრაში ჩემპიონი 1:2 დამარცხდა.

* „ინტერმა“ ზედიზედ ოთხ თამაშში აჯობა „სამპდორიას“.

* „ატალანტამ“ მიჯრით 5-ჯერ დაამარცხა „სასუოლო“.

* „ნაპოლისა“ და „ბრეშას“ ბოლო მატჩი ფრედ დასრულდა.

* „ლაციოსა“ და „ჯენოას“ შორის უკანასკნელ შვიდ შეხვედრაში 2,5-ზე მეტი გოლი გავიდა.

* „უდინეზესა“ და „ბოლონიას“ შორის ბოლო ორ შეხვედრაში ორივემ გაიტანა.

* „მილანისა“ და „ფიორენტინას“ უკანასკნელ ორ დაპირისპირებაში ორივეს არ გაუტანია.

იტალია. სერია A. VI ტური

შაბათი, 28 სექტემბერი
იუვენტუსი-სპალ 17:00
სამპდორია-ინტერი 20:00
სასუოლო-ატალანტა 22:45

კვირა, 29 სექტემბერი
ნაპოლი-ბრეშა 14:30
ლაციო-ჯენოა 17:00
ლეჩე-რომა 17:00
უდინეზე-ბოლონია 17:00
კალიარი-ვერონა 20:00
მილანი-ფიორენტინა 22:45

ორშაბათი, 30 სექტემბერი
პარმა-ტორინო 22:45

1. ინტერი 5 5 0 0 10:1 15
2. იუვენტუსი 5 4 1 0 9:5 13
3. ატალანტა 5 3 1 1 11:8 10
4. ნაპოლი 5 3 0 2 13:9 9
5. კალიარი 5 3 0 2 8:5 9
6. ტორინო 5 3 0 2 8:7 9
7. რომა 5 2 2 1 10:9 8
8. ბოლონია 5 2 2 1 7:6 8
9. ლაციო 5 2 1 2 7:4 7
10. სასუოლო 5 2 0 3 10:8 6
11. ბრეშა 5 2 0 3 6:7 6
12. პარმა 5 2 0 3 5:7 6
13. მილანი 5 2 0 3 3:5 6
14. ლეჩე 5 2 0 3 6:11 6
15. ვერონა 5 1 2 2 3:4 5
16. ჯენოა 5 1 2 2 7:9 5
17. უდინეზე 5 1 1 3 2:5 4
18. სპალ 5 1 0 4 5:11 3
19. სამპდორია 5 1 0 4 3:11 3
20. ფიორენტინა 5 1 2 2 8:9 2

ბომბარდირები: 5 - დ. ბერარდი (სასუოლო); 4 - ჩ. იმობილე (ლაციო), ა. დონარუმა (ბრეშა), მ. მანკოსუ (ლეჩე), დ. საპატა (ატალანტა)

ყოველდღიური სპორტული გაზეთი "ლელო"
185
მკითხველის კომენტარები / 0 /
მსგავსი ამბები
რუბრიკის სხვა სიახლეები
;