[სერია A. XXI ტურის წინ] დანდობა არ იქნება!

სერია A. XXI ტური 
პარასკევი, 24 იანვარი
ბრეშა-მილანი 23:45
შაბათი, 25 იანვარი
სპალ-ბოლონია 18:00
ფიორენტინა-ჯენოა 21:00
ტორინო-ატალანტა 23:45
კვირა, 26 იანვარი
ინტერი-კალიარი 15:30
პარმა-უდინეზე 18:00
სამპდორია-სასუოლო 18:00
ვერონა-ლეჩე 18:00
რომა-ლაციო 21:00
ნაპოლი-იუვენტუსი 23:45

1. იუვენტუსი 20 16 3 1 39:19 51
2. ინტერი 20 14 5 1 41:17 47
3. ლაციო 19 14 3 2 46:18 45
4. რომა 20 12 5 3 37:22 38
5. ატალანტა 20 10 5 5 50:28 35
6. კალიარი 20 8 6 6 35:31 30
7. პარმა 20 8 4 8 27:27 28
8. მილანი 20 8 4 8 21:26 28
9. ტორინო 20 8 3 9 26:28 27
10. ვერონა 19 7 5 7 22:22 26
11. ნაპოლი 20 6 6 8 28:28 24
12. ფიორენტინა 20 6 6 8 25:29 24
13. ბოლონია 20 6 6 8 29:32 24
14. უდინეზე 20 7 3 10 19:31 24
15. სასუოლო 20 6 4 10 32:35 22
16. სამპდორია 20 5 4 11 20:33 19
17. ლეჩე 20 3 7 10 23:39 16
18. სპალ 20 4 3 13 14:30 15
19. ბრეშა 20 4 3 13 19:38 15
20. ჯენოა 20 3 5 12 21:41 14

ბომბარდირები: 23 - ჩ. იმობილე (ლაციო); 16 - კ. რონალდო (იუვენტუსი); 14 - რ. ლუკაკუ (ინტერი); 13 - ჟ. პედრო (კალიარი); 10 - ი. ილიჩიჩი (ატალანტა), ლ. მურიელი (ატალანტა), ლ. მარტინესი (ინტერი); 9 - ა. ბელოტი (ტორინო), დ. ბერარდი (სასუოლო).

სერია A-ს მორიგ ტურში ორი ისეთი მატჩია, თავისი მნიშვნელობით გვერდზე რომ სწევენ დანარჩენებს და გულშემატკივარს გვარიანი მოლოდინით აღავსებენ.

რა თქმა უნდა, უპირველეს ყოვლისა, რომაული დერბი უნდა გამოვარჩიოთ - 153-ე „დერბი დელა კაპიტალე“, რომელშიც უპირატესობა „რომას“ მხარესაა - 55 მოგება, 59 ფრე და 39 გამარჯვება „ლაციალეს“ ანგარიშზე. ეს ისეთი მატჩია, მთელი საფეხბურთო მსოფლიოს ყურადღებას იმსახურებს. „ლაციომ“ იტალიის თასზე კი წაიფორხილა (0:1 წააგო „ნაპოლისთან“), მაგრამ ჩემპიონატში ზედიზედ 11 მატჩი აქვს მოგებული. ასე რომ, „რომას“ ბევრი ოფლის ღვრა მოუწევს მეტოქის შესაჩერებლად.

თავის მხრივ ძალიან მოტივირებული იქნება „რომა“. პაულო ფონსეკას გუნდს ჩემპიონთა ლიგის საგზურის მოპოვება სურს და შედეგზეა ორიენტირებული. ასე რომ, დანდობა არავითარ შემთხვევაში არ იქნება.

ფაქტები

* სპალ-ისა და „ბოლონიას“ ბოლო 4 შეხვედრაში 2,5-ზე ნაკლები გოლი გავიდა.

* „ჯენოამ“ ბოლო შეხვედრაში შეძლო „ფიორენტინას“ დამარცხება.

* „ტორინომ“ მიჯრით 2 მატჩში სძლია „ატალანტას“.

* „ინტერისა“ და „კალიარის“ ბოლო 2 შეხვედრაში ორივემ გაიტანა.

* „პარმამ“ ზედიზედ 2 დაპირისპირებაში სძლია „უდინეზეს“.

* „სამპდორიასა“ და „სასუოლოს“ შორის უკანასკნელ 2 მატჩში 2,5-ზე მეტი გოლი გავიდა.

* „რომასა“ და „ლაციოს“ ბოლო შეხვედრა ფრედ (1:1) დასრულდა.

* „ლაციომ“ სტუმრის სტატუსით „რომას“ ბოლოს 2017 წელს მოუგო (3:1).

* „იუვენტუსმა“ მიჯრით ბოლო 3 მატჩში აჯობა „ნაპოლის“.

„ნაპოლი“ საშინაო ასპარეზზე დაუხვდება „იუვენტუსს“. ჯენარო გატუზო ყველანაირად ეცდება, მრისხანე მეტოქეს დიდი წინააღმდეგობა გაუწიოს, მაგრამ ამის გაკეთება იოლი არ იქნება. თასზე წარმატებული თამაშის მიუხედავად, „ნაპოლის“ ძალიან უჭირს.

თავისი მატჩი აუცილებლად უნდა მოიგოს „ინტერმა“. მილანელებმა წინა ტურში გაუთვალისწინებელი ქულები დაკარგეს და ახლა აღარ აქვთ წაფორხილების უფლება. წინააღმდეგ შემთხვევაში, „ნერაძური“ ჩემპიონობისთვის ბრძოლას ჩამოშორდება.

„მილანი“ ბოლო დროს, ასე თუ ისე, კრეფს ქულებს და ვნახოთ, რას იზამს სტეფანო პიოლის გუნდი „ბრეშასთან“ გასვლით თამაშში. რა თქმა უნდა, „მილანი“ ფავორიტია, მით უმეტეს, მასპინძელს არ ეყოლება დისკვალიფიცირებული მარიო ბალოტელი, რომელიც წინა ტურში 8 წუთის შესული იყო მოედანზე, წითელი ბარათი რომ უჩვენეს...

392
მკითხველის კომენტარები / 0 /
მსგავსი ამბები
რუბრიკის სხვა სიახლეები
;