სერია A. XXVIII ტურის მიმოხილვა: 'იუვეს' პირველი დაცემა და 'ინტერის' 'ღამე სან სიროზე' [VIDEO]

სერია A-ს მორიგი ტურის მთავარი სენსაცია დაფიქსირდა გენუაში, სადაც ადგილობრივმა “ჯენოამ” სეზონში პირველი მარცხი აგემა “იუვენტუსს” - 2:0. რა თქმა უნდა, შედეგი სენსაციურია, მაგრამ ვინც ამ თამაშს თვალი ადევნა, დაგვეთანხმება, რომ გენუელები ნამდვილად იმსახურებდნენ 3 ქულას.

ანგარიში თამაშის დასრულებამდე 18 წუთით ადრე გახსნა ექსიუვენტინო სტეფანო სტურარომ. თამაშის ბოლომდე კი ზეგამოცდილმა გორან პანდევმაც შეაგდო. “იუვენტუსის” თამაში კი ვერანაირ კრიტიკას ვერ უძლებდა. ტურინულ გრანდს სახიფათოდ საერთოდ არ დაურტყამს მოწინააღმდეგის კარში. არ იყო კრიშტიანო რონალდო, მაგრამ “იუვეს” ასეთ თამაშს ეს ნამდვილად არ ამართლებს.

“რომას” მოგება სჭირდებოდა სპალ-თან გასვლით შეხვედრაში, მაგრამ მოხდა პირიქით. ცუდ ფორმაში მყოფმა მასპინძლებმა უკანასკნელი ძალ-ღონე მოიკრიბეს და თამაშით გვარიანად აჯობეს ბევრად ტიტულოვან და ძლიერ მეტოქეს.

ანგარიში მასპინძელთა ალჟირელმა ლეგიონერმა ფარესმა გახსნა. ამას მოჰყვა რომაელი დიეგო პეროტის პენალტი და თითქოს “რომას” თამაში უნდა შემოეტრიალებინა, მაგრამ... სპალ-ი არ ჩაჯდა დაცვაში, შეტევები გააგრძელა და დაიმსახურა 11-მეტრიანი, რომელიც ზუსტად შეასრულა პეტანიამ.
თამაშის დასრულების შემდეგ “რომას” ახალმა მწვრთნელმა კლაუდიო რანიერიმ აღნიშნა, რომ თუ მისი გუნდი ჩემპიონთა ლიგის ზონაში ვერ მოხვდება, არაერთ მოთამაშეს მოუწევს აბარგება და ახალი სამსახურის ძიება...

ამასობაში, ჩემპიონთა ლიგის საგზურის მაძიებელმა “ტორინომ” ასევე სენსაციურად წააგო შინ “ბოლონიასთან”. არადა, ვალტერ მაძარის გაწვრთნილი გუნდი შესანიშნავ ფორმაში იყო. აღსანიშნავია, რომ სტუმრებმა 5-ჯერ შეარხიეს მასპინძელთა კარის ბადე და აქედან მხოლოდ 3 გოლი ჩაითვალა.

“სამპდორიამ” კი გასვლაზე მოუგო “სასუოლოს”. ისევ შეაგდო იტალიის ნაკრებში დაბრუნებულმა ვეტერანმა ფაბიო კვალიარელამ. მის ანგარიშზე ახლა 21 გოლი და 7 საგოლე გადაცემაა. ასე შედეგიანად მას არასოდეს უთამაშია.

ლუის ალბერტომ და კომპანიამ მნიშვნელოვანი 3 ქულა მოიპოვა “პარმასთან” საშინაო შეხვედრაში. “ლაციომ” მეტოქე 4:1 დაამარცხა და ოთხივე გოლი... პირველ ტაიმში გაიტანა.

ესპანელმა დუბლი მიითვალა. ვერ მოიგო “ატალანტამ” და ალბათ ჩემპიონთა ლიგის საგზურს ვეღარ შესწვდება. “ნაპოლიმ” კი გოლუხვ შეხვედრაში 4:2 დაამარცხა “უდინეზე”.

მორიგი “დერბი დელა მადონინა” ახლა უკვე ისტორიის კუთვნილებაა. გულშემატკივარმა იხილა 5 გოლი და არაერთი შესანიშნავი ეპიზოდი. საბოლოოდ გამარჯვება “ინტერს” დარჩა - 3:2. ლაუტარო მარტინესის პასის შემდეგ ანგარიში მე-3 წუთზე მატიას ვესინომ გახსნა. მეორე ტაიმი ახალი დაწყებული იყო, როცა პოლიტანომ სტეფან დე ვრეის გაატანინა და თითქოს თამაშის ბედიც გადაწყდა, მაგრამ “მილანი” ასე არ ფიქრობდა.

ჰაკან ჩალჰანოღლუს დარტყმულს ტეემუ ბაკაიოკომ დაამატა და “მილანი” თამაშში დაბრუნდა. მერე მარტინესმა ზუსტად შესრულებული პენალტი და, თითქოს, ერთხელაც მოსპო ინტრიგა, მაგრამ მატეო მუსაკიომ ისევ დააბრუნა, ბოლოს “მილანმა” ლამის 100-პროცენტიანი მომენტი გაფლანგა და გამარჯვება “ინტერს” დარჩა.

კალიარი-ფიორენტინა 2:1
გოლები: 1:0 ჟოაო პედრო (52), 2:0 ჩეპიტელი (66), 2:1 კიეზა (88)

სასუოლო-სამპდორია 3:5
გოლები: 0:1 დეფრელი (15), 0:2 კვალიარელა (36), 1:2 ბოგა (38), 1:3 ლინეტი (39), 1:4 პრე (46), 2:4 დანკანი (63), 2:5 გაბიადინი (72), 3:5 ბაბაქარი (90+2)

სპალ-რომა 2:1
გოლები: 1:0 ფარესი (22), 1:1 პეროტი (53-პენ), 2:1 პეტანია (60-პენ)

ტორინო-ბოლონია 2:3
გოლები: 1:0 პულგარი (6-საკ. კარში), 1:1 პოლი (29), 1:2 პულგარი (34-პენ), 1:3 ორსოლინი (64), 2:3 იცო (89)
გაძევება: ლიანკო (88. ბოლონია), აინა (90+2. ტორინო)

ჯენოა-იუვენტუსი 2:0
გოლები: 1:0 სტურარო (72), 2:0 პანდევი (81)

ატალანტა-კიევო 1:1
გოლები: 0:1 მეჯორინი (32), 1:1 ილიჩიჩი (55)

ემპოლი-ფროზინონე 2:1
გოლები: 1:0 კაპუტო (20-პენ), 2:0 პაიაჩი (38), 2:1 ვალცანია (70)

ლაციო-პარმა 4:1
გოლები: 1:0 მარუშიჩი (22), 2:0 ლუის ალბერტო (26-პენ), 3:0 ლუის ალბერტო (38), 4:0 ლულიჩი (44), 4:1 სპროკატი (77)
ლაციო (3-5-2): სტრაკოშა - გაბარონი, აჩერბი, რადუ - მარუშიჩი, მილინკოვიჩ-სავიჩი, ლუკას ლეივა (60. კატალდი), ლუის ალბერტო, ლულიჩი (76. დურმისი) - კორეა, კაისედო (66. ნეტო).

ნაპოლი-უდინეზე 4:2
გოლები: 1:0 იუნესი (17), 2:0 კალიეხონი (26), 2:1 ლაზანია (30), 2:2 ფოფანა (36), 3:2 მილიკი (57), 4:2 მერტენსი (70)

მილანი-ინტერი 2:3
გოლები: 0:1 ვესინო (3), 0:2 დე ვრეი (51), 1:2 ბაკაიოკო (57), 1:3 მარტინესი (67-პენ), 2:3 მუსაკიო (71)

1. იუვენტუსი 28 24 3 1 59:19 75
2. ნაპოლი 28 18 6 4 52:23 60
3. ინტერი 28 16 5 7 43:24 53
4. მილანი 28 14 9 5 43:26 51
5. რომა 28 13 8 7 52:39 47
6. ატალანტა 28 13 6 9 57:39 45
7. ლაციო 27 13 6 8 41:29 45
8. ტორინო 28 11 11 6 37:26 44
9. სამპდორია 28 12 6 10 49:38 42
10. ფიორენტინა 27 8 13 6 42:33 37
11. ჯენოა 28 8 9 11 34:42 33
12. პარმა 28 9 6 13 30:44 33
13. სასუოლო 28 7 11 10 39:47 32
14. კალიარი 28 7 9 12 25:40 30
15. სპალ 28 6 8 14 25:42 26
16. უდინეზე 27 6 7 14 24:40 25
17. ემპოლი 28 6 7 15 36:54 25
18. ბოლონია 28 5 9 14 25:42 24
19. ფროზინონე 28 3 8 17 21:53 17
20. კიევო* 28 1 11 16 21:54 11
* - კიევოს დაკლებული აქვს 3 ქულა

ბომბარდირები: 21 - კვალიარელა (სამპდორია); 19 - რონალდო (იუვენტუსი), პიონტეკი (ჯენოა/მილანი); 17 - დ. საპატა (ატალანტა); 15 - მილიკი (ნაპოლი); 13 - იმობილე (ლაციო), კაპუტო (ემპოლი).

მომდევნო ტური
29 მარტი: კიევო-კალიარი
30 მარტი: უდინეზე-ჯენოა, იუვენტუსი-ემპოლი, სამპდორია-მილანი
31 მარტი: პარმა-ატალანტა, რომა-ნაპოლი, ფიორენტინა-ტორინო, ფროზინონე-სპალ, ბოლონია-სასუოლო, ინტერი-ლაციო

ყოველდღიური სპორტული გაზეთი "ლელო"
503
მკითხველის კომენტარები / 0 /
მსგავსი ამბები
რუბრიკის სხვა სიახლეები
;