სერია A. XXX ტურის მიმოხილვა: 'მილანმა' კარგად დაიწყო, თუმცა... მართლაც დაჩაგრეს? [VIDEO]

სერია A მორიგი ტურის ცენტრალური მატჩი შედგა ტურინში, სადაც “იუვენტუსი” “მილანს” დაუხვდა და მიუხედავად იმისა, რომ ამჯერადაც არ უთამაშია ოპტიმალური შემადგენლობით (ისევე, როგორც “მილანს”), ურთულეს ბრძოლაში დაამარცხა მოწინააღმდეგე, რომელსაც ჰაერივით სჭირდებოდა ქულები...

მილანელთა რიგებში ანგარიში გახსნა კშიშტოფ პიონტეკმა. პოლონელმა ბომბარდირმა, ვინც უბრალოდ შეუჩერებელია ამ სეზონში, ტეემუ ბაკაიოკოს პასით გაიტანა. 0:0-ზე კი ძალიან საკამათო ეპიზოდი ვიხილეთ - არბიტრმა 11-მეტრიანი არ დანიშნა “იუვეს” კარში.

თამაშის დასრულებამდე ნახევარი საათით ადრე, სწორედ პენალტით გაათანაბრა ანგარიში პაულო დიბალამ. “ბებერ ქალბატონს” კი გამარჯვება მოიზეს კინმა მოუტანა. ბოლო დროს გოლების მანქანად ქცეულმა შემტევმა კიდევ ერთხელ შეაგდო - ზედიზედ მეხუთე მატჩში!

“პირველ ნახევარში ძალიან ცუდად ვითამაშეთ. ყველანი უკმაყოფილონი ვიყავით. ასე თამაში არ შეიძლება. მეორე ნახევარში ვიპოვეთ საკუთარი თავი და ამან შედეგი გამოიღო”, - თქვა თამაშის დასრულების შემდეგ “იუვენტუსის” მწვრთნელმა მასიმილიანო ალეგრიმ.

“ჩვენ დავიჩაგრეთ მსაჯის გადაწყვეტილების გამო. ვფიქრობ, ეს იყო აშკარა 11-მეტრიანი. საერთო სიტუაცია კი ძალიან დამაფიქრებელია, თუმცა არ ჩავუღრმავდები. უბრალოდ, ყველანი ძალიან უკმაყოფილონი ვართ”, - ეს კი “მილანის” სპორტული დირექტორის ლეონარდოს სიტყვებია.

ისე ჩანს, რომ გატუზოს საკითხი გადაწყვეტილია. ამ თემას ვრცლად შევეხებით ჩვენი გაზეთის შემდეგ ნომერში, დღეს კი ეს ვიკმაროთ. ფაქტია, “მილანი” კრიზისშია, თუმცა “როსონერის” მრისხანე მეტოქესთან ცუდად სულაც არ უთამაშია.

“ჩვენ საუკეთესო თამაში ვითამაშეთ მიმდინარე სეზონში. უბრალოდ, ბოლო 20 წუთის განმავლობაში მოვდუნდით და ამის გამო დავისაჯეთ. ჩვენი მეტოქე უმაღლესი კლასის გუნდია და ეს არ გვაპატია. მესმის კრიტიკოსების. ისინი გამოცდილები არიან და იციან, რამდენი ტიტული მოვიგე ამ გუნდთან ერთად, როგორც ფეხბურთელმა. იმავეს ელიან გატუზო-მწვრთნელისგან. დღეს ჩვენ წაგებას არ ვიმსახურებდით”, - თქვა გატუზომ.

დანიელე დე როსის გოლით “რომამ” ძალიან მნიშვნელოვანი თამაში მოუგო “სამპდორიას”. არადა, სხვა შედეგი რომ დაფიქსირებულიყო, თამაშის ხასიათიდან გამომდინარე, არ უნდა გაგვკვირვებოდა.

“ინტერმა” თამაშით თითქოს აჯობა “ატალანტას”, მაგრამ არა იმდენად, რომ უეჭველად მოეგო. საბოლოოდ, დაფიქსირდა ფრე და ბრძოლა ოთხეულისთვის მთელი სიმძაფრით გრძელდება.

“ლაციომ” კი ვერ მოიგო “სასუოლოსთან” საშინაო მატჩი (2:2). ჩემპიონთა ლიგაზე მოხვედრის მოსურნე კიდევ ერთ გუნდს გაუცრუვდა იმედი. ის კი არა, “ლაციალე” სულაც აგებდა და ბოლოსღა გაათანაბრა ანგარიში. ჩირო იმობილემ გოლს საგოლე პასი მიაყოლა და ნენად ლულიჩმაც შეაგდო გამათანაბრებელი გოლი.

თუ “ფიორენტინას” საშინაო წაგებას გავითვალისწინებთ აუტსაიდერ “ფროზინონესთან”, დავრწმუნდებით, რომ ამ ტურში სენსაციები სანთლით საძებარი სულაც არ ყოფილა.

იუვენტუსი-მილანი 2:1
გოლები: 0:1 პიონტეკი (39), 1:1 დიბალა (60-პენ), 2:1 კინი (84)

პარმა-ტორინო 0:0
სამპდორია-რომა 0:1
გოლი: 0:1 დე როსი (75)

ფიორენტინა-ფროზინონე 0:1
გოლი: 0:1 ჩოფანი (84)

კალიარი-სპალ 2:1
გოლები: 1:0 ფარაგო (3), 1:1 ანტენუჩი (18-პენ), 2:1 პავოლეტი (60)

უდინეზე-ემპოლი 3:2
გოლები: 0:1 კაპუტო (11), 1:1 დე პაული (15), 1:2 კრუნიჩი (24), 2:2 დე პაული (41-პენ), 3:2 მანდრაგორა (45)
გაძევება: ზეეგელაარი (63. უდინეზე)

ინტერი-ატალანტა 0:0
ინტერი (4-2-3-1): ჰანდანოვიჩი - დ’ამბროზიო, შკრინიარი, მირანდა, ასამოა - გალიარდინი (66. ბორხა ვალერო), ბროზოვიჩი (23. ნაინგოლანი) - პოლიტანო (77. კეიტა), ვესინო, პერიშიჩი - იკარდი.

ლაციო-სასუოლო 2:2
გოლები: 1:0 იმობილე (53-პენ), 1:1 როჟერიო (57), 1:2 ბერარდი (89), 2:2 ლულიჩი (90+5)

ნაპოლი-ჯენოა 1:1
გოლები: 1:0 მერტენსი (34), 1:1 ლაზოვიჩი (45+3)
გაძევება: სტურარო (28. ჯენოა)

ორშაბათი, 8 აპრილი
ბოლონია-კიევო 22:30

თ მ ფ წ ბ ქ
1. იუვენტუსი 31 27 3 1 64:20 84
2. ნაპოლი 31 19 7 5 58:27 64
3. ინტერი 31 17 6 8 47:25 57
4. მილანი 31 14 10 7 45:30 52
5. ატალანტა 31 15 7 9 64:41 52
6. რომა 31 14 9 8 56:45 51
7. ლაციო 30 14 7 9 44:32 49
8. ტორინო 31 12 13 6 40:28 49
9. სამპდორია 31 13 6 12 51:41 45
10. ფიორენტინა 31 8 15 8 46:39 39
11. სასუოლო 31 8 12 11 46:51 36
12. კალიარი 31 9 9 13 30:43 36
13. პარმა 31 9 7 15 33:50 34
14. ჯენოა 31 8 10 13 35:49 34
15. უდინეზე 30 8 8 14 30:43 32
16. სპალ 31 8 8 15 28:44 32
17. ემპოლი 31 7 7 17 40:59 28
18. ბოლონია 30 6 9 15 28:47 27
19. ფროზინონე 31 5 8 18 25:56 23
20. კიევო* 30 1 11 18 21:61 11
* - კიევოს დაკლებული აქვს 3 ქულა

ბომბარდირები: 21 - კვალიარელა (სამპდორია), პიონტეკი (ჯენოა/მილანი); 20 - დ. საპატა (ატალანტა); 19 - რონალდო (იუვენტუსი); 16 - მილიკი (ნაპოლი).

მომდევნო ტური
13 აპრილი: სპალ-იუვენტუსი, რომა-უდინეზე, მილანი-ლაციო
14 აპრილი: ტორინო-კალიარი, ფიორენტინა-ბოლონია, სამპდორია-ჯენოა, სასუოლო-პარმა, კიევო-ნაპოლი, ფროზინონე-ინტერი
15 აპრილი: ატალანტა-ემპოლი

ყოველდღიური სპორტული გაზეთი "ლელო"
468
მკითხველის კომენტარები / 0 /
მსგავსი ამბები
რუბრიკის სხვა სიახლეები
;