სერხიო რამოსის კიდევ ერთი ნაბიჯი რეკორდისკენ

 დღეს ინგლისის ნაკრები, ერთა ლიგის A დივიზიონის ეგიდით, "უემბლიზე" ესპანეთს უმასპინძლებს. გუნდების სასტარტო პოზიციები განსხვავებულია. ინგლისის ნაკრების მწვრთნელ გარეთ საუთგეიტის ამოცანაა, გააგრძელოს ის გზა, რომელზეც დგას და რამაც გარკვეული სიმპათიებით განაწყო ფეხბურთის გულშემატკივარი მისი გუნდის მიმართ...

ესპანეთის ნაკრები კი, ფაქტობრივად, ყველაფერს თავიდან იწყებს - ახალი მწვრთნელი, ახალი ფეხბურთელები... "ფურია როხაში" რევოლუციური ცვლილებებია. ლუის ენრიკეს სხვა გზა არც ჰქონდა, რადგან მოთამაშეთა დიდმა ნაწილმა მუნდიალის დასრულების შემდეგ სანაკრებო კარიერას წერტილი დაუსვა.

დღეს ესპანეთის ნაკრებში მხოლოდ 9 ფეხბურთელია (დე ხეა, კარვახალი, ასპილიკუეტა, სერხიო რამოსი, ბუსკეტსი, როდრიგო, საულ ნიგესი, ისკო და ასენსიო) იმ 23-დან, რომელიც ლუის ენრიკეს წინამორბედმა თავის დროზე რუსული მუნდიალისთვის შეარჩია.

საინტერესოა, რომ ლუის ენრიკემ მხოლოდ 2 ფეხბურთელი (ბუსკეტსი, სერხი რობერტო) გამოიძახა "ბარსელონადან", სადაც ჯამში 14 წელი გაატარა როგორც ფეხბურთელმა და როგორც მწვრთნელმა. არადა, ახლო წარსულში სწორედ "ბარსა" იყო ესპანეთის ნაკრების ღერძი.

თაობათა ცვლა არ შეეხო "უკვდავ" სერხიო რამოსს, რომელიც დღეს 157-ედ მოირგებს ნაკრების მაისურას და ეცდება, დაამხოს ლატვიელი ვიტალის ასტაფიევსის რეკორდი - 167 მატჩი ეროვნულ ნაკრებში. ეს არის ყველაზე მაღალი მაჩვენებელი იმ ევროპელ ფეხბურთელებს შორის, რომელთაც კარიერა დაასრულეს.

1439
მკითხველის კომენტარები / 1 /
mamuka1313
0
ბუფონს რამდენი აქვს ავტორჯან :)))))))
მსგავსი ამბები
რუბრიკის სხვა სიახლეები
;