სერ ალექსმა თქვა: მოიყვანეთ პოჩეტინო!

"მანჩესტერ იუნაიტედმა" სეზონის ბოლომდე გუნდის საჭე ოლე გუნარ სოლსკიაერს ჩააბარა, მაგრამ საკითხავია, ვინ იქნება ის მწვრთნელი, რომელიც ინგლისურ გრანდს სრულფასოვანი კონტრაქტის საფუძველზე ჩაიბარებს? 

რა თქმა უნდა, არანაირი გარანტია არ არსებობს იმისა, რომ სოლსკიაერი "იუნაიტედში" რაიმე სასწაულს ჩაიდენს. პრინციპში, სასწაული არც არის საჭირო, მთავარია, "მანჩესტერის" ბოსებმა დადებითი ტენდენციები დაინახონ...

თუმცა ნათელია ისიც, რომ "ოლდ ტრაფორდზე" უკვე ფიქრობენ მწვრთნელზე, რომელსაც ზაფხულიდან ჩააბარებენ გუნდს. სერ ალექს ფერგიუსონს ჯერ კიდევ აქვს იმის პრივილეგია, რომ თავისი წონიანი სიტყვა თქვას მთავარი მწვრთნელის შერჩევაში. როგორც "სანი" იტყობინება, ფერგიმ უკვე ურჩია "იუნაიტედის" ბოსებს მაურისიო პოჩეტინოს მიწვევა. 

პოჩეტინოს წარმატებები თვალსაჩინოა იმ მწირი რესურსის ფონზე, რაც "ტოტენჰემს" კონკურენტებთან შედარებით აქვს. შესაბამისად, 46 წლის არგენტინელის მიღწევები უდავოდ დასაფასებელია.

საქმეს ალბათ გაართულებს კომპენსაციის (34 მილიონი ფუნტი) ოდენობა, რომელიც "იუნაიტედს" გადასახდელი ექნება იმისთვის, რომ "მამლებმა" პოჩეტინოს 2023 წლამდე გაფორმებული კონტრაქტი (რომლის ძალითაც წლიურად 8.5 მილიონი ფუნტი უნდა აიღოს) გაუუქმონ.

964
მკითხველის კომენტარები / 0 /
მსგავსი ამბები
რუბრიკის სხვა სიახლეები
;