სერ ალექსს უთქვამს... ფერგიუსონის ფრთიანი ფრაზები

ლეგენდარული სერ ალექს ფერგიუსონი ბევრ თამაშს მატჩის დაწყებამდე იგებდა. ასე სჯერა საქმეში ჩახედულ ხალხს და ჩვენც არ გვაქვს უფლება, ამაში ეჭვი შევიტანოთ. "დიდ სერს" უყვარს ფეხბურთზე ლაპარაკი, მსჯელობა და კამათი, მაგრამ დღეს მის განსაკუთრებულ, ფრთიან ფრაზებს წარმოგიდგენთ...

..."1999 წელს, ჩემპიონთა თასის ფინალის წინ ბიჭებს ვუთხარი - თასი სულ რამდენიმე მეტრში იქნება თქვენგან. თუ წავაგეთ, ჩვენ ამ თასს ვერ შევეხებით და ბევრ თქვენგანს საერთოდ აღარ ექნება იმის საშუალება, რომ მას მიუახლოვდეს. ასე რომ, მოკვდით მინდორზე და მოიგეთ"...

..."დღეს მე არ ვისახავ განსაკუთრებულ მიზნებს. ჩემი მიზანი იყო, დამემხო "ლივერპულის" საჩემპიონო ჰეგემონია"...

..."მეტ ბასბიმ მომცა რჩევა, არასოდეს წამეკითხა გაზეთები. მე ამ რჩევას დღემდე ვასრულებ. უნდა გითხრათ, რომ მართლაც დიდებული რჩევაა"...

... "ვენგერზე ამბობენ, რომ ის უზომოდ განათლებულია, რომ ხუთ ენაზე ლაპარაკობს. იცით, ჩვენთან ერთი თინეიჯერი ბიჭი თამაშობს კოტ დ'ივუარიდან და ისიც ხუთ ენაზე ლაპარაკობს"...

..."რონალდოსთან დავდე ნაძლევი, რომ ის ვერ შეაგდებდა 15 გოლს. ვფიქრობ, უნდა შეიცვალოს ნაძლევის პირობები და ჩვენ ათვლის წერტილად 150 გოლი უნდა ავიღოთ"...

..."გარი ნევილი სულ რაღაც 10 სანტიმეტრით მაღალი რომ იყოს, ინგლისს მისი დარი ცენტრალური მცველი არ ეყოლებოდა. მამამისი გაცილებით მაღალია - 1.87 სმ. ვფიქრობ, კარგი იქნებოდა, ნევილს ანალიზი ჩაეტარებინა"...

..."ბექჰემის ამბავს რაც შეეხება, აბსოლუტური შემთხვევითობაა! მილიონჯერ რომ ვცადო, აღარ გამომივა. რომ გამომივიდეს, პირობას ვდებ, მინდორს დავუბრუნდები"...

..."მანჩესტერ სიტი" არ არის დიდი გუნდი და მათი მენტალიტეტიც შესაფერისია. ერთადერთი, რაც მათ შეუძლიათ, არის ის, რომ ილაპარაკონ "მანჩესტერ იუნაიტედზე". ეს მათი ბედისწერაა".

ყოველდღიური სპორტული გაზეთი "ლელო"
957
მკითხველის კომენტარები / 0 /
მსგავსი ამბები
რუბრიკის სხვა სიახლეები