სექტემბრის ბაშო. მესამე დღის აფიშა: ტოჩინოშინი VS ჰოკუტოფუჯი, გაგამარუ vs სოკოკურაი

სექტემბრის ბაშოზე ორი საშეჯიბრო დღის შემდეგ ქართველ ოძეკი ტოჩინოშინს (ლევან გორგოძეს) ორიდან ორი წაგება აქვს, გაგამარუს კი ერთი მოგება და ერთი წაგება დაუგროვდა.

ბაშოს მესამე დღე საინტერესო ორთაბრძოლებს გვპირდება. ტოჩინოშინის მეტოქე პირველი მაეგაშირა ჰოკუტოფუჯი იქნება, რომელსაც თითო მოგება-წაგება აქვს (ბაშოს მეორე დღეს იგი იოკოძუნა კაკურიუსთან დამარცხდა).

რაც შეეხება ტოჩინოშინისა და ჰოკუტოფუჯის ურთიერთშეხვედრებს, აქ სრული თანაფარდობაა, აქამდე გამართული 6 შეხვედრიდან მეტოქეებს 3-3 მოგება-წაგება აქვთ.

ჯურიოში კი ერთმანეთს ორი 10 ნომერი დაუპირისპირდება ქართველი გაგამარუს (თეიმურაზ ჯუღელი) მეტოქე მონღოლი სოკოკურაი იქნება, ვისაც ამ ბაშოზე, ჯერჯერობით, არ წაუგია (2-0). რაც შეეხება გაგასთან ურთიერთშეხვედრებს, უპირატესობა მონღოლის მახარესაა 22 შეხვედრიდან 9 მოიგო გაგამარუმ, 13-ჯერ გამარჯვება სოკოკურაის დარჩა.

244
მკითხველის კომენტარები / 0 /
მსგავსი ამბები
რუბრიკის სხვა სიახლეები
;