სკანდალი მეტოქის ბანაკში! ბელარუსული კლუბები ფეხბურთელების ნაკრებში გაშვებას უარობენ

საქართველოს ნაკრებთან მატჩისათვის უკეთესად მოსამზადებლად ბელარუსის ფეხბურთის ფედერაციამ 2 ამხანაგური შეხვედრა დაგეგმა. 23 და 26 თებერვალს გასამართ ამხანაგურ მატჩებისათვის, რომლებშიც მიხაილ მარხელის მიერ გაწვრთნილი გუნდი შესაბამისად უზბეკეთსა და ბულგარეთს შეხვდება, წამყვანი ბელარუსული კლუბები ფეხბურთელების გაშვებას უარობენ.

ეს კლუბები არიან სოლიგორსკის "შახტიორი", "ბატე" და ბრესტის "დინამო". არადა,იმთავითვე იყო ცნობილი, რომ მატჩში მონაწილეობას ვერ მიიღებდნენ ის ბელარუსი ფეხბურთელები, რომლებიც რუსეთისა და ყაზახეთის პრემიერლიგებში ასპარეზობენ. ამდენად, მარხელის გუნდის შემადგენლობა კიდევ უფრო ექსპერიმენტალური შეიძლება გახდეს.

[მეტოქე] ბელარუსებმა ორი ნაკრები შეადგინეს. აი, ვის ველოდებით თბილისში...

6 თებერვალს ბლარუსის ნაკრების მთავარმა მწვრთნელმა შემადგენლობა დაასახელა ორი ამხანაგური შეხვედრისათვის. თუ წამყვან კლუბებთან შეთანხმება არ მოხერხდა, ასეთ შემთხვევაში ეროვნულ გუნდში მხოლოდ და მხოლოდ 7 ფეხბურთელი დარჩება. კი, ეროვნული გუნდი შეიძლება შეივსოს, მაგრამ რა აზრი აქვს - მარხელი საქართველოსთან შეხვედრაში სულ სხვა მოთამაშეებს უნდა დაეყრდნოს.

სამივე კლუბი ჩივის იმის თაობაზე, რომ ორი ამხანაგური შეხვედრა არ ემთხვევა ფიფას მიერ გამოყოფილ თარიღებს. შესაბამისად, ფეხბურთელების გაშვება ეროვნულ ნაკრებში მათი გეგმების დარღვევას გამოიწვევს. ამ დროსათვის "ბატე", "შახტიორი" და "დინამო" თურქულ შეკრებაზე არიან.

ბელარუსის ფეხბურთის ფედერაციის პოზიცია
ამ საკითხთან დაკავშირებით სპეციალური განცხადება გაავრცელა ბელარუსის ფეხბურთის ფედერაციამ, რომელსაც ქვემოთ გთავაზობთ.

"იმ პუბლიკაციებთან დაკავშირებით, რომლებიც გამოქვეყნდა"პრესბოლზე" და "ტრიბუნაზე", აუცილებლად მივიჩნევთ, შევეხოთ რამდენიმე შეკითხვას, რომლებიც წარმოიქმნა ნაკრების მიერ გასამართი მატჩების წინ, რომლებშიც ბელარუსის ნაკრები დაუპირისპირდება უზბეკეთს და ბულგარეთს.

ბელარუსის ფეხბურთის ფედერაციის რეგლამენტის მიხედვით, კლუბები და სკოლები ვალდებულები არიან, საწვრთნელ შეკრებებზე თუ სანაკრებო შეხვედრევზე გაუშვან ფეხბურთელები, ასევე საჭიროების შემთხვევაში შეიძლება გახანგრძლივდეს ფეხბურთელების მივლინება.

[მოსაზრება] ...აი, სწორედ ეს არის მთავარი ბელარუსთან მატჩამდე!..

2019 წლისს 5 დეკემბერს ბელარუსის ფეხბურთის ფედერაციის ოფიციალურ საიტზე გამოქვეყნდა ინფორმაცია ამხანაგური მატჩების გამართვის თაობაზე. როდესაც დაიწერა დუბაისა და სოფიაში გასამართი შეხვედრების შესახებ, ჩატარდა საუბრები ბელარუსის საფეხბურთო ლიგის წამყვან კლუბებთან. კლუბებს განემარტათ, თუ რა მნიშვნელობა აქვს ამ ორ ამხანაგურ შეხვედრას და შეკრებას, რომელიც უნდა ჩატარდეს 2020 წლის 19 – 27 თებერვალს. გარდა ამისა, ევროპის ჩემპიონატის პლეი - ოფისშეხვედრებს, რომლებიდც უნდა ჩატარდეს მარტში. მაშინ კლუბები გაგებით მოეკიდნენ შექმნილ ვითარებას.მათ მზადყოფნა გამოხატეს თანამშრომლობისათვის.

გასული წლის 11 დეკემბერს შედგა ბელარუსის ფეხბურთის ფედერაციის აღმასკომის სხდომა. ამ სხდომაზე ბელარუსის ნაკრების მთავარმა მწვრთნელმა, მიხაილ მარხელმა გაახმოვანა იდეა, რომლის თანახმადაც ის ბელარუსის ლიგიდან აპირებდა ფეხბურთელების მიწვევას ნაკრებში.მათ შორის საუბარი იყო "ბატეს", "შახტიორისა" და ბრესტის "დინამოს" ფეხბურთელებზეც. თანაც, მარხელმა ცხადად თქვა, რომ ამ კლუბების ფეხბურთელების უმრავლესობა მონაწილეობას მიიღებდა მხოლოდ ერთ რომელიმე შეხვედრაში და მათი შეკრების ხანგრძლივობა ოთხ დრეზე მეტი არ იქნებოდა. აღმასკომს წევრის სტატუსით ესწრებოდა "ბატეს" მთავარი მწვრთნელი, კირილ ალშევსკი და მას ამასთან დაკავშირებით შენიშვნები არ ჰქონია.

2019 წლის 26 დეკემბერს გაიმართა ბელარუსის ჩემპიონატში მოასპარეზე კლუბების შეკრება. იქ კვლავ წამოიწია ეროვნულ გუნდში ფეხბურთელების გამოძახების საკითხმა. ბელარუსის ფეხბურთის ფედერაციამ ერთხელაც ჩათვალა საჭიროდ, შეკრებილთათვის გაეცნო ნაკრებში ფეხბურთელების გამოაზების საკითხები. ამ სხდომას ესწრებოდნენ სამივე კლუბის ხელმძღვანელი პირები და მათ უარყოფითი დამოკიდებულება არ გამოუთქვამთ.

ბელარუსის ფეხბურთის ფედერაცია მუდამ დიდ ტურადღებას აქცევს ბელარუსის წამყვანი კლუბების თხოვნებს, რომლებიც ეხება კალენდარს. ეს ხდება ბელარუსის კლუბების საერთაშორისო იმიჯის გათვალისწინებით. ახლა ხანგრძლივი დროის განმავლობაში ნაკრებს პირველად მიეცა ევროპის ჩემპიონატის ფინალურ ეტაპზე გასვლის შანსი და ჩვენ შეშფოთებულები ვართ ამ შეკრების ჩაშლის მცდელობით." - ნათქვამია განცხადებაში.

3165
მკითხველის კომენტარები / 0 /
მსგავსი ამბები
რუბრიკის სხვა სიახლეები
;