სკანდალი ბელგიაში ჩაწყობილი თამაშების გამო. ჩხრეკები ტოპკლუბების ოფისებში, დაკავებულები არიან ცნობილი პერსონები...

ბელგიური ფეხბურთში დიდი აურზაურია. "ბრიუგეს", "ანდერლეხტის", "სტანდარდისა" და ჟუპილერ (უმაღლესი) ლიგის სხვა კლუბების ოფისებს პოლიცია დაეცა. მასშტაბური რეიდის საფუძველი გახდა ეჭვები ჩაწყობილი თამაშების გამო, დიდი რაოდენობით ფულის გათეთრება და სხვა ფინანსური მაქინაციები.

ეჭვმიტანილთა შორის არიან "გენტის" (სადაც გიორგი ჩაკვეტაძე და გიორგი ქვილითაია თამაშობენ) მესვეურებიც. ამას გარდა, დააკავეს ფეხბურთში დასაქმებული ცნობილი პერსონები, მათ შორის - მსაჯები და აგენტები.

ბელგიაში სულ 44 რეიდი განხორციელდა. პლუს ამას, სპეცოპერაცია ჩატარდა საფრანგეთში, ლუქსემბურგში, კვიპროსში, ჩერნოგორიაში, სერბეთსა და მაკედონიაში.

როგორც აღმოჩნდა, ეს არის შედეგი იმ გამოძიებისა, რომელიც 2017 წლიდან იღებს სათავეს.

"ბრიუგესა" და "ანდერლეხტის" ხელმძღვანელობამ გაავრცელა სპეციალური განცხადება, რომელშიც ვკითხულობთ, რომ ეს კლუბები მზად არიან გამოძიებასთან თანამშრომლობისთვის.

ყოველდღიური სპორტული გაზეთი "ლელო"
913
მკითხველის კომენტარები / 0 /
მსგავსი ამბები
რუბრიკის სხვა სიახლეები