[სკანდალი უკრაინაში] მთვრალ მდგომარეობაში მყოფი საფეხბურთო ასოციაციის პრეზიდენტი პორტუგალიასთან მატჩის დროს სტადიონზე სცემეს...

უკრაინელ ფეხბურთელთა პროფკავშირის პრეზიდენტი ოლეგ პეჩორნი სკანდალურ ამბავს ყვება. რამდენიმე დღის წინ, როცა უკრაინის ნაკრები ევროპის ჩემპიონატის საკვალიფიკაციო მატჩში პორტუგალიას მასპინძლობდა, სტადიონის VIP-ლოჟაში გამოჩნდა... მთვრალი ანდრეი პაველკო - უკრანის საფეხბურთო ასოციაციის პრეზიდენტი.

რატომღაც, მან VIP-ლოჟიდან გრიგორი და იგორ სურკისების (ეს უკანასკნელი კიევის "დინამოს" პრეზიდენტი და უეფას საპატიო წევრია - რედ), ასევე უკრაინის ყოფილი პრემიერ-მინისტრის, ვალერი პუსტოვოიტენკოს გაძევება მოინდომა.

როგორც პეჩორნი ყვება, პაველკომ ყბაში მუშტი მიიღო, თუმცა მაინც არ დაწყნარდა და ცოტა ხანში სურკისებს ცნობილ კრიმინალურ ავტორიტეტთან ერთად გამოეცხადა. კონფლიქტის შეჩერება მხოლოდ პოლიციის ჩარევით გახდა შესაძლებელი.

ამ ამბავმა უკრაინის პრეზიდენტის ვლადიმირ ზელენსკის ყურამდეც მიაღწია. პაველკოს ქვეყნის პირველ პირთან ბოდიშების ხდა და ახსნა-განმარტებების კეთებამ მოუწია. ვარაუდობენ, რომ კონფლიქტი ამით ამოიწურება, თუმცა სურკისების გადაკიდება პაველკოს ნამდვილად არ აწყობდა...

4926
მკითხველის კომენტარები / 0 /
მსგავსი ამბები
რუბრიკის სხვა სიახლეები
;