სკანდალური შეფურთხებების ისტორია

"ლივერპულის" ყოფილმა ფეხბურთელმა, ჯეიმი კარაგერმა, მანჩესტერ "იუნაიტედის" ფანს და მის 14 წლის ქალიშვილს შეაფურთხა, რის გამოც SKY Sport-იდან გაუშვეს. ამას ტელევიზიაც ადასტურებს. შეგახსენებთ, რომ "ლივერპულმა" მანჩესტერულ კლუბთან უკანასკნელი შეხვედრა ანგარიშით 1:2 წააგო. ამ მატჩის შემდეგ საკუთარი მანქანით სტადიონიდან მიმავალ კარაგერს მანჩესტერელი მამა-შვილი ვიდეოს უღებდა. ექს-ლივერპულელიც სწორედ ამან გააბრაზა...

რადგანაც ამ სამარცხვინო საქციელზე ჩამოვარდა საუბარი, გავიხსენოთ მსგავსი შეუფერებელი საქციელები ფეხბურთის ისტორიაში.

1. ფრანკ რაიკაარდი - ჰოლანდია-გერმანია. 1990

ფრანკ რაიკაარდისა და რუდი ფიოლერის დაპირისპირება 1990 წლის მსოფლიო ჩემპიონატზე, იტალიაში.

ეს ერთ-ერთი ყველაზე სამარცხვინო ფაქტი იყო მსოფლიო ჩემპიონატების ისტორიაში. სასტიკი სათამაშო დუელი ამ ორ ფეხბურთელს შორის შეფურთხებით დასრულდა, რის გამოც რაიკაარდი გააძევეს და მეოთხედფინალში გერმანია გავიდა.



2. პატრიკ ვიეირა - ვესტ ჰემი-არსენალი. 1999

"არსენალის" "მაგარი ბიჭის", ვიეირასთვის "ვესტ ჰემთან" დაპირისპირება ერთ-ერთი ყველაზე სამარხვინო იყო მის ხანგრძლივ კარიერაში.
გაბრაზებულმა ფეხბურთელმა თავის მოწინააღმდეგეს შეაფურთხა.

ამის გამო ფრანგი 6 მატჩიანი დისკვალიფიკაციით დაისაჯა და 30 000 ფუნტი სტერლინგის გადახდაც მოუხდა ჯარიმის სახით.

3. ელ ჰაჯი-დიუფი  - სელტიკი-ლივერპული. 2003

ჩემპიონთა ლიგის მატჩის მსვლელობისას "ლივერპულის" სენეგალელმა ფორვარდმა "სელტიკის" გულშემატკივარს შეაფურთხა.
თუმცა ეს მისთვის ერთადერთი შემთხვევა არ ყოფილა - ის 2002, 2004 და 2012 წლებშიცაა შემჩნეული მსგავს საქციელში.



4. ფრანჩესკო ტოტი - იტალია-დანია 2004

2004 წლის ევროპის ჩემპიონატმა შეფურთხების 2 ინციდენტით დაგვამახსოვრა თავი. იტალიელმა ფრანჩესკო ტოტიმ კრისტიან პაულსენს შეაფურთხა.

ინციდენტიდან ორი დღის შემდეგ ტოტი 3-მატჩიანი დისკვალიფიკაციით დასაჯეს.

მეორე ინციდენტი კი ინგლისსა და შვეიცარიას შორის გამართულ შეხვედრაში მოხდა, რომელშიც ინგლისმა 3:0 გაიმარჯვა. შვეიცარელი ალექსანდრ ფრეის მსხვერპლი თვით სტივენ ჯერარდი იყო.



5. კრიშტიანო რონალდო - დერბი-მანჩესტერ იუნაიტედი. 2007

ამ ორ გუნდს შორის მატჩი არც ისე დაძაბული იყო, რადგან "იუნაიტედმა" 4:1 გაიმარჯვა, მაგრამ თამაშმა სხვა ინციდენტით მიიქცია ყურადღება.

რამდენიმე შეჯახების შემდეგ გაბრაზებულმა კრიშტიანომ რობი სევიჯს შეაფურთხა. რამდენადაც გასაკვირი არ უნდა იყოს, პორტუგალიელი ამისთვის არ დასჯილა.



6. ლეო მესი - მალაგა-ბარსელონა. 2008

სიაში უკვე შეხვდით ისეთ მოთამაშეებს, რომლებისგანაც მსგავს ნეგატიურ საქციელს არ მოელოდით. ჩვენს სიაში მოხვდა თვით ლიონელ მესიც.

"მალაგასთან" გამართულ შეხვედრაში, ლიონელ მესიმ ზურგით მდგომ დუდას შეაფურთხა.

მაშინდელმა "ბარსელონას" მწვრთნელმა, პეპ გვარდიოლამ ასეთი განცხადება გააკეთა: "ეს არ არის კარგი რაც მოედანზე მოხდა. შევეცდებით, რომ მსგავს უღირს ინციდენტებს თავი ავარიდოთ".



7. ანტონიო ალკარაზი - ვულვზი-უიგანი. 2011

2011 წელს ამ ორ გუნდს შორის გამართულ შეხვედრაში მასობრივი დაპირისპირება იყო მოედანზე. ყველაფერი კი ანტონიოს უღირსმა საქციელმა გამოიწვია, რომელმაც რიჩარდ სტიარმენს თავისი საქციელით შეურაწყოფა მიაყენა.

8. პაპის ჩისი VS ჯონი ევანსი - ნიუკასლი-მანჩესტერ იუნაიტედი. 2014

4 წლის წინ "ნიკასლსა" და "იუნაიტედს" შორის გამართულ შეხვედრაში პაპის ჩისმა "შტამპი დაასვა" ევანსს. არც მეტოქე ჩამორჩა და ხურდა იმავე საქციელით დაუბრუნა.

"მანჩესტერის" მწვრთნელი, ლუი ვან გაალი ამბობდა: ასეთ საქციელს ევანსისგან ვერ წარმოვიდგენდი, ყველაფერს "ნიუკასლის" ფეხბურთელის ბრალი იქნებაო.



9. არტურ მაუსაკუ - უიგანი-ვესტ ჰემი. 2018

ეს შემთხვევა ახლახან მოხდა, 2018 წლის იანვარში.

"ვესტ ჰემის" ვარსკვლავმა "უიგანის" ნახევარმცველი უხეში ორთაბრძოლის შემდეგ შეფურთხებით დასაჯა.
არტურმა წითელი ბარათი მიიღო და თამაში დატოვა.

3031
მკითხველის კომენტარები / 0 /
მსგავსი ამბები
რუბრიკის სხვა სიახლეები