[სკანდალური VIDEO] როგორ მიაყენა ლივერპულის ფანმა ტრავმა სუპერთასის გმირ ადრიანს. კლოპი მესამე მეკარის ამარა დარჩა

იურგენ კლოპს მეორე მეკარეც დაუშავდა, მაგრამ დაშავებაცაა და დაშავებაც - ადრიანი, რომელმაც ალისონ ბეკერი შეცვალა და უმალ სუპერთასის გმირად იქცა, იმავე სუპერთასის მატჩში, გადამწყვეტი პენალტის მოგერიების შემდეგ, ბედნიერი ლივერპულელების გარემოცვაში რომ იყო, მოლოდნელად დააზიანა მოედანზე შევარდნილმა ვიღაც ახალგაზრდამ (ვიდეოში და ფოტოზე ჩანს თეთრმაისურიანი ტიპი, რომელიც გუნდის ფანი აღმოჩნდა), რომელიც პირდაპირ ფეხებში შეუვარდა "ლივერპულის" მეკარეს და ფეხბურთელების ჯგუფს.

დაგვიანებული კი იყო, მაგრამ სტიუარდებმა ის მაშინვე განარიდეს იქაურობას. ადრიანის ტრავმა მძიმე დარტყმაა "ლივერპულისთვის", რომელიც ახლა მესამე მეკარის, 35 წლის ენდი ლორენგანის იმედად დარჩა.

იურგენ კლოპის თქმით, ჯერ 100 პროცენტით არ არის გადაწყვეტილი, რომ ადრიანი ვერ ითამაშებს "საუთჰემპტონთან" პრემიერლიგის II ტურში, თუმცა ეს საკითხი სერიოზული კითხვის ნიშნის ქვეშ რჩება. "ლივერპულის" პრესსამსახურმა კი ფანებს სპეციალური განცხადებით მიმართა - ძალიან კი გვიყვარხათ, მაგრამ ასეთი რამ აღარ გააკეთოთო!..

2734
მკითხველის კომენტარები / 0 /
მსგავსი ამბები
რუბრიკის სხვა სიახლეები
;