სოლარი უკვე გათავისუფლებულია? მოურინიო მადრიდში ჩავიდა...

მიუხედავად იმისა, რომ "რეალმა" სტუმრად 4:1 დაამარცხა "ვალიადოლიდი", "სამეფო კლუბის" ხელმძღვანელობა არ აპირებს, აპატიოს სანტიაგო სოლარის ჩემპიონთა ლიგიდან სამარცხვინო გავარდნა. მეტიც - "რეალის" სამზარეულოში ღრმად ჩახედული გამოცემა as-ი ამტკიცებს, რომ არგენტინელ მწვრთნელი უკვე მოხსნილია და ელოდებიან ჟოზე მოურინიოსთან მოლაპარაკებების დასრულებას, რათა პორტუგალიელი სპეციალისტის დაბრუნებაზე უკვე ოფიციალურად ამცნონ საზოგადოებას.

ცეცხლზე ნავთი დაასხა "რეალის" დირექტორმა ემილიო ბუტრაგენიომ. "რეალის" ლეგენდამ ცოცხალი თავით არ დაადასტურა, რომ სოლარი "ლოს ბლანკოსს" მომდევნო თამაშშიც უხელმძღვანელებს:

"ის დიდი პროფესიონალია, ვნახოთ... მაგრამ მე დღეს მხოლოდ "ვალიადოლიდთან" თამაშზე შემიძლია გელაპარაკოთ", - აი, ასე მოკლედ მოჭრა ბუტრაგენიომ და ისღა დაგვრჩენია, დავალოდოთ მოვლენათა განვითარებას. ამტკიცებენ, რომ მოურინიო უკვე მადრიდშია თავის ვაჟთან ერთად. ასეა თუ ისე, ორშაბათი სოლარისთვის გადამწყვეტი დღეა...

963
მკითხველის კომენტარები / 0 /
მსგავსი ამბები
რუბრიკის სხვა სიახლეები
;