რეალის ფეხბურთელებს მთავარი მწვრთნელის არ ესმით

"მარკას" ინფორმაციით, "რეალის" ფეხბურთელებსა და მთავარ მწვრთნელს შორის ურთიერთგაგება არ არსებობს. "მარკა" ის გამოცემაა, რომელმაც ყოველთვის ძალიან კარგად უწყის, რა ხდება "სამეფო კლუბის" სამზარეულოში და იცის, რასაც წერს.

პრინციპში, ამაში გასაკვირი არაფერია, მაგრამ სხვა საქმეა, როდემდე აპირებს ამის მოთმენას "რეალის" უმაღლესი იერარქი - ფლორენტინო პერესი. ეტყობა, სანტიაგო სოლარი შეინარჩუნებს პოსტს ზაფხულამდე და ამიტომაც არის ჯერჯერობით სიმშვიდე (თუმც მოჩვენებითი) სამწვრთნელო ფრონტზე.

მაგრამ ესეცაა - "რეალმა" რამდენიმე დღის ინტერვალით ზედიზედ ორი "ელ კლასიკო" წააგო საკუთარ მოედანზე ისე, რომ გოლიც ვერ გაიტანა და ეს აუცილებლად ჰპოვებს ასახვას პერესის სამომავლო გადაწყვეტილებებზე.

მანამდე კი ის თვალს მიადევნებს "რეალის" საჩემპიონთალიგო კამპანიას. რა თქმა უნდა, მთავარი ევროპული საკლუბო ჯილდოს ზედიზედ მეოთხედ მოგება გამორიცხული არ არის, მაგრამ ამჯერად ამის ალბათობა ძალიან დაბალია.

ეს კარგად იციან "რეალშიც". ჩვენ კი შეგახსენებთ, რომ ნოემბრის შუა რიცხვებში სოლარიმ "რეალთან" 2021 წლის ივნისის ბოლომდე გააფორმა კონტრაქტი.

ყოველდღიური სპორტული გაზეთი "ლელო"
918
მკითხველის კომენტარები / 0 /
მსგავსი ამბები
რუბრიკის სხვა სიახლეები
;