[სუმო. VIDEO] შეეცადა დაექაჩა, მაგრამ მიაწვა და გაიყვანა...

სექტემბრის ბაშოს მე-4 დღეს ქართველი ტოჩინოშინის (ლევან გორგაძის) მეტოქე მე-5 მაეგაშირა ტაკარაფუჯი იყო, ვისაც ლევანთან შეხვედრამდე მოგება-წაგებათა ბალანსი 2-1-თან ჰქონდა. ურთიერთშეხვედრებში აქამდე ჩატარებული 19 ორთაბრძოლიდან, 12 ქართველის გამარჯვებით დასრულდა, მხოლოლ 7-ჯერ მოუგო ტაკარაფუჯიმ.

სასტარტო შეჯახების შემდეგ, ტოჩინოშინი შეეცადა უპირატესობა მოეპოვებინა, მაგრამ პირიქით მოხდა, მეტოქე მძლავრად მიაწვა ჩვენებურს და დოჰიოდან გაიყვანა (იორიკირი).

ამრიგად ოთხი დღის შემდეგ ლევანს მოგება-წაგებათა უარყოფითი ბალანსი (1-3) აქვს. იმედია, მომდევნო დღეებში მდგომარეობას გამოასწორებს და მოახერხებს ბაშოს დადებითი ბალანსით დასრულებას.

ბაშოს მე-5 დღეს ტოჩის მეტოქე ტაკაიასუ იქნება, ვინც მიმდინარე ბაშოზე კარგად ასპარეზობს (3 მოგება, 1 მარცხი) და ტოჩინოშინს ურთიერთშეხვედრებშიც ჯობნის, 13 ორთაბრძლა ტაკაიასუს აქვს მოგებული, 8 კი ჩვენებურს.

478
მკითხველის კომენტარები / 0 /
მსგავსი ამბები
რუბრიკის სხვა სიახლეები
;