სომხები ჩემპიონატს 23 მაისს იწყებენ, ჩვენ? "დინამო" ლეგიონერების მოლოდინშია

თბილისის „დინამომ“ ვარჯიშები განაახლა, მაგრამ გუნდის აღმასრულებელი დირექტორის, ზაზა დოლიძის თქმით, ჯერ საქართველოში ყველა ლეგიონერი არ ჩამოსულა.

როგორც გაირკვა, მათი საკითხი პრობლემური კორონავირუსის პანდემიის გამო წარმოქმნილი რეალობის გამო გახდა. საერთაშორისო ავიამიმოსვლები ახლა, ფაქტობრივად, შეჩერებულია. ცნობილია, რომ ფრენები 1 ივნისიდან აღდგება, მაგრამ ჯერ უცნობია, ამის შემდეგ ჩამოსული ლეგიონერები ორკვირიან საკარანტინო რეჟიმს გაივლიან თუ ვარჯიშებს პირდაპირ შეუდგებიან?

„დინამოს“ ფეხბურთელები დიღმის ბაზაზე ემზადებიან. გუნდის პრეს-სამსახურის ცნობით, მაქსიმალურად გათვალისწინებულია ჯანდაცვის სამინისტროს და დაავადებათა კონტროლის ცენტრის რეკომენდაციები. ვარჯიში დისტანცირებულ რეჟიმში და ორკაცან ჯგუფებად მიმდინარეობს.

თბილისური გუნდი საფეხბურთო აკადემიის გუნდების ვარჯიშების განახლებასაც აპირებს, მაგრამ საამისოდაც მთავრობის ნებართვა საჭირო.

შეგახსენებთ, რომ სეზონისთვის მზადება თბილისის „დინამომ“, „ლოკომოტივმა“ და მეხუთე ლიგსი სოხუმის „დინამომ“ დაიწყეს. შეაძლოა, უახლოეს დღეებში ვარჯიში „საბურთალომაც“ განაახლოს.ჯერ-ჯერობით, ყველა გუნდში ფეხბურთელები 2-2-ად იტვირთებიან, გუნდური ვარჯიშები კი ჯერ ნებადართული არაა.

ჩვენი მთავრობა ამ საკითხში რომ ფრთხილობს, ეს ფაქტია. მაგრამ ჩვეულ რეჟიმში დაბრუნება მაინც მოგვიწევს. სხვათაშორის, ჩემპიონატსი განახლებსი გადაწყვეტილება მიიღეს სომხეთში, სადაც ჩვენზე ბევრად რთული ვითარებაა.

საერთოდ, ამიერკავკასიაში ყველაზე რთული ვითარება სწორედ სომხეთშია, რომელიც სიმძიმით მსოფლიოში 63-ე ადგილზეა. სომხეთში 5041 დაინფეცირდა და 64 გარდაიცვალა. 69-ე ადგილზეა აზერბაიჯანი (3,518 დაინფეცირებული, 41 გარდაცვლილი), ხოლო საქართველო მხოლოდ 112-ეა - 707 დაინფეცირებული და 12 ადამიანი გარდაცვლილი.

ანუ ჩვენთან ბევრად უკეთესი მდგომარეობაა. ამის მიუხედავად, სომხეთის ფეხბურთის ფედერაციის აღმასკომის სხდომაზე გადაწყდა, რომ ჩემპიონატი 23 მაისს განახლდება. მართალია, უმაღლესი და პირველი ლიგების მატჩები უმაყურებლოდ გაიმართება, მაგრამ მთავარია, რომ იწყებენ. საინტერესოა, რომ სომხები ორი ახალი წესის ამოქმედებას აპირებენ. გუნდს 5 შეცვლის უფლება ექნება -ეს ფეხბურთის ასოციაციების საერთაშორისო საბჭოს (IFAB) ინიციატივაა, კორონავირუსით გამოწვეული ხანგრძლივი შესვენების შემდეგ მოთამაშეებში ტრავმების რისკი რომ შემცირდეს. მეორე სიახლე სატრანსფერო „ფანჯრის" გაზრდაა და 15 ივლისიდან 7 ოქტომბრამდე გაგრძელდება. სომხეთის ფეხბურთის ფედერაციის აღმასკომზე ასევე გადაწყდა ფუტსალის ჩემპიონატის განახლება.

სეზონს რუსეთშიც იწყებენ, რომელიც ვითარების სირთულით მსოფლიოში მეორე ადგილზეა - 299,941დაინფეცირებული და 2,837 გარდაცვლილია. ახლახანს კი კორონავირუსის ტესტირებამ პრემიერლიგაში 7 ინფეცირებული გამოავლინეს. 2 მოთამაშე ქართველებისთანაგუნდელია - პირველად ვირუსი საბა კვირკველიას თანაგუნდელს, მოსკოვის

„ლოკომოტივისა“ და პერუს ნაკრების თავდამსხმელ ჯეფერსონ ფარფანს დაუდასტურდა, ხოლო მერე ყაზანის „რუბინში“ ზუკა დავითაშვილისა და ხვიჩა კვარაცხელიას თანაგუნდელ კონსტანტინ პლიევს. განსაკუთრებით მწვავე მდგომარეობა მოსკოვის „დინამოშია“, სადაც კოვიდ-19 ხუთ მოთამაშეს დაუფიქსირდა, მათ შორის, სამედიცინო განყოფილების უფროსი ალექსეი პლესკოვს, ასევე სამ მოთამაშეს და ერთ მწვრთნელს.

2066
მკითხველის კომენტარები / 0 /
მსგავსი ამბები
რუბრიკის სხვა სიახლეები
;