სომხეთის ნაკრების მწვრთნელი: ჩვენ და საქართველო ერთი დონის გუნდები ვართ!..

სომხეთის ეროვნული ნაკრების მთავარი მწვრთნელის, ხოაკინ კაპაროსის ასისტენტმა, წარსულში ცნობილმა მეკარე, ახლა კი სომხეთის ეროვნული გუნდის მეკარეთა მწვრთნელმა რომან ბერეზოვსკიმ, კომენტარი გააკეთა ერთა ლიგის ახალ გათამაშებასთან დაკავშირებით, სადაც C ლიგის II ჯგუფში, სომხეთთან ერთად, თავი მოიყარეს საქართველოს, ჩრდილოეთ მაკედონიისა და ესტონეთის ნაკრებებმა.

"ხოაკინ კაპაროსი დიდი პროფესიონალია. ის საქმეს ძალიან სერიოზულად მიუდგა. სამწვრთნელო შტაბში შედიან ადამიანები, რომლებმაც თავის დროზე დიდი ფეხბურთი ითამაშეს. კარგია, რომ რუსეთში მოთამაშე სომეხი ფეხბურთელები აღარ ითვლებიან ლეგიონერებად.

ეს მათ სათამაშო დროს მნიშვნელოვნად გაზრდის. ჩვენ კიდევ გვაქვს რეზერვი - ის ევროპელი და სამხრეთამერიკელი ფეხბურთელები, რომლებიც თამაშობენ ჩვენს ჩემპიონატში და აქვთ უფლება, მიიღონ სომხეთის მოქალაქეობა. ერთა ლიგაზე ესტონეთი, ჩრდილოეთ მაკედონია და საქართველო ჩვენი დონის ნაკრებები არიან. ჩვენ ყველანაირი შანსი გვაქვს, ვითამაშოთ ყატარში გასამართ მუნდიალზე", - თქვა ბერეზოვსკიმ.

829
მკითხველის კომენტარები / 0 /
მსგავსი ამბები
რუბრიკის სხვა სიახლეები
;