სოფიო შაფათავას ბლიც-პოინტი: მომწონს დიკაპრიო, მძულს ხაში

სახელი: სოფიო

გვარი: შაფათავა

დაბადების თარიღი და ადგილი: 12/01/1989, თბილისი

ზოდიაქოს ნიშანი: თხის რქა

ოჯახური მდგომარეობა: დასაოჯახებელი

პროფესია: ჩოგბურთელი

პირველი კორტი: ჩოგბურთის კლუბი "განთიადი", რომელიც ახლა მიგდებული და დანგრეულია.

სადებიუტო თამაში: გურამ თოხაძის სახელობის პირველობა. ვერის პარკში. მოვიგე.

პირველი ქვეყანა, სადაც ვითამაშე: უცხოეთში პირველად ვიყავი თურქეთში.

ემოცია: ვნერვიულობდი ძალიან.

ტრადიცია, სათამაშო მოედანზე გასვლის წინ: ჩვეულებრივი რუტინა. სირბილი, გახურება, ჩოგნების მომზადება, სახელურის დახვევა, სპონსორის ლოგოს დახატვა და ესპრესო.

ყველაზე მნიშვნელოვანი ჯილდო: ყველა ჯილდო მნიშვნელოვანია. ერთ-ერთი გამორჩეული კი: 2014 წელს მსოფლიო საჩოგბურთო ფედერაციამ ხუთ ჩოგბურთელს შორის შემიყვანა ფედერაციის თასზე, სამშობლოსთვის ჩოგბურთის განვითარებისთვის შეტანილი წვლილისთვის.

ყველაზე რთული მატჩი/რთულად დასამარცხებელი მეტოქე: ყველა მეტოქე თავისებურად რთულია. გააჩნია შენ როგორ ხასიათზე ხარ და როგორ ხარ მზად.

მარცხი/შეცდომა რომელიც არ დამავიწყდება: ეგეთი შეცდომა მხოლოდ კორტს გარეთ მაქვს და ჩოგბურთის არ ეხება.

ყველაზე დიდი წარმატება: ყველა მოგება ბავშვივით მიხარია (იცინის).

საოცნებო ადგილი და ტურნირი, სადაც მინდა ვითამაშო: ყველა შეჯიბრი, რომელზეც მიოცნებია, ვითამაშე. დიდი სიამოვნებით მოვიგებდი მაქედან რამდენიმეს, მაგრამ ჯერ ვთამაშობ და იმედია ეგეც ასრულდება (იღიმის).

ჩემი ოჯახი, ჩემი დები ჩემთვის არიან: საუკეთესო მეგობრები. ყველაზე ახლო ადამიანები დედამიწაზე.

პატარა მაშა: ადამიანი, ვის გამოც ნებისმიერი რამის გაკეთება შემიძლია.

მშობლიური სახლი: თბილისი.

აშშ ჩემთვის არის: ქვეყანა სადაც ვერასოდეს ვერ ვიცხოვრებდი.

ჰობი: კითხვა.

საყვარელი მუსიკალური მიმდინარეობა და შემსრულებელი: გააჩნია ხასიათს.

ფილმები: "ადამიანი რკინის ნიღაბში", "შერბურის ქოლგები".

მსახიობები: ლეონარდო დიკაპრიო. ერთადერთი და განუმეორებელი.

საუკეთესო გასართობი ადგილი: მთავარია, ჩემთვის სასიამოვნო ხალხი იყოს და ადგილს მნიშვნელობა არ აქვს.

საუკეთესო დასასვენებელი ადგილი: სახლი.

დაუვიწყარი მოგზაურობა: ძალიან ბევრს ვმოგზაურობ, ბევრი მავიწყდება უკვე.

საყვარელი სამოსი: ერთი დღე შემიძლია ძალიან ქალური ვიყო, მეორე დღეს - საერთოდ სხვანაირი, ეგეც ხასიათზეა დამოკიდებული.

დიზაინერი: პრადა, ვალენტინო.

საოცნებო ავტომობილი: არ მიყვარს მანქანები.

ჩოგბურთის გარდა, ვთამაშობ: ყველაფერს, მაგრამ არაფერი გამომდის (იცინის).

ვუკრავ: ფორტეპიანოზე.

საჭმელი, რომელიც მძულს: ღვიძლი, კუჭმაჭი და ხაში.

ყველაზე გემრიელად ვამზადებ: ბორშს და ხორცის პეროგს. ისე, ყველაფერს.

ბავშვობისას გარეგნობაში მინდოდა შემეცვალა: ცხვირი.

წიგნი, რომელიც ბოლოს წავიკითხე: ჰომოდეუსი, იუვალ ჰარარის დაწერილი.

სკოლაში ჩემი საყვარელი საგანი იყო: ალგებრა.

ყველაზე ცუდად ვსწავლობდი: ისტორიას.

ორიანი მიმიღია: არასოდეს მიმიღია ორიანი.

ხასიათი მაქვს: მძიმე. იუნა ამბობს - ნაგავი (იცინის).

ადამიანს ვუთმობ, როცა: მბეზრდება და ადამიანი აღარ მაინტერესებს.

განვიცდი, როცა: ჩემი გეგმების რეალიზებას ვერ ვახერხებ.

სიხარულს გამოვხატავ: ვერ გამოვხატავ კარგად.

გაბრაზებისას ვარ: აუტანელი. ჯობია არ მომეკაროს არავინ.

სოციალური ქსელი ჩემს ცხოვრებაში არის: დროის მოკვლის ადგილი.

უხამს ადამიანებს ვპასუხობ: აზრი არ აქვს პასუხს.

მომწონს, როცა მამაკაცი: მიზანდასახულია.

რომანტიკა ჩემთვის არის: საყვარელ ადამიანთან საუზმე.

ყველაზე ძვირფასი საჩუქარი, რაც მიმიღია: არ არის მატერიალური.

კოლექცია მაქვს: მაგნიტების და კოვზების.

ყველაზე აბეზარი შეკითხვა ადამიანებისგან: კიდევ თამაშობ?

ჩემი უახლოესი გეგმა და მიზანია: ყოველდღე ახალი დღეა და ახალი გეგმაა.

თამთა დადეშელი

1565
მკითხველის კომენტარები / 0 /
მსგავსი ამბები
რუბრიკის სხვა სიახლეები