არჩილ არველაძე: მარცხი მხოლოდ ცუდი მსაჯობის ბრალი არ იყო...

საქართველოსა და დანიის ნაკრებთა მატჩი კვლავ განსჯის საგანია. მატჩის შეფასება ვთხოვეთ ნაკრების ყოფილ ფორვარდ არჩილ არველაძეს. როგორც ყოველთვის, მან ამჯერადაც საინტერესოდ ილაპარაკა ამ თამაშზე...

- რა თქმა უნდა, დანია ძლიერია, მაგრამ ასეთ შედეგს ნამდვილად არ ველოდით. თქვენთვისაც ასე იყო?

- არც მე ველოდი ასეთ შედეგს. ყველაფერს აქვს თავისი მიზეზი და დანიაში მომხდარის ერთ-ერთი მთავარი მიზეზი მგონია ის, რომ საქართველოს ნაკრებს არაერთი ფეხბურთელი აკლდა. საიდუმლო არავისთვისაა, რომ საქართველოს ნაკრები სხვა გუნდია ამ ფეხბურთელებთან ერთად და სულ სხვა - მის გარეშე. ისე კი, რა თქმა უნდა, ასეთ შედეგს მაინც არ აქვს გამართლება. მსაჯის ფაქტორიც იყო.

- როგორ ფიქრობთ, ავსტრიელი არბიტრის ქმედებამ მოახდინა გავლენა თამაშის შედეგზე?

- ძალიან რთულია, როცა ანგარიში არის 1:1 და დებს ასეთ 11-მეტრიანს. თანაც, არ უნდა დაგვავიწყდეს, ვის ვეთამაშებოდით. ისედაც გვჯობდა დანია. მიმაჩნია, რომ ამ პენალტმა საქართველოს ნაკრები გატეხა, თუმცა მარცხი მხოლოდ ამის ბრალი არ იყო.

- როგორ ფიქრობთ, ზედმეტად ღრმა დაცვაში ხომ არ ვიყავით?

- მე თუ მკითხავთ, ირლანდიასთან კიდევ უფრო უკნიდან ვითამაშეთ, ვიდრე დანიასთან.

- თქვენი აზრით, ვაისი უნდა დარჩეს ნაკრების მწვრთნელად?

- უნდა დარჩეს. ერთა ლიგის დარჩენილი შეხვედრებია ჩვენი მთავარი საფიქრალი. ეს ციკლი იმ თამაშებისთვის მოსამზადებლად უნდა გამოვიყენოთ. ახლა რომ სხვა მწვრთნელი მოვიდეს, მას კიდევ კარგა ხანი დასჭირდება ვითარებაში გასარკვევად. ვაისმა დაიწყო ეს საქმე, ერთა ლიგის ჯგუფი მოიგო და ბოლომდეც მანვე უნდა მიიყვანოს საქმე.

- ხომ არ ფიქრობთ, რომ ამ შემთხვევაში არ იყო ბოლომდე ათვისებული სანაკრებო რესურსი?

- რა თქმა უნდა, შეიძლება ამაზე მსჯელობა, მაგრამ შემადგენლობის შერჩევა მწვრთნელის საქმეა. მაგალითად, რომ არ დაეყენებინა ნავალოვსკი და დაეყენებინა სხვა, შედარებით ნაკლებად გამოცდილი, მერე შეიძლებოდა გვეთქვა, ასეთ შეხვედრაში შედარებით გამოუცდელი რატომ დააყენაო?! მწვრთნელის გადასაწყვეტია, მაგალითად, პაპუნაშვილი ითამაშებს, ხარაიშვილი თუ, ვთქვათ, ზარანდია, რომელიც მართლა კარგი ფეხბურთელია. აქ 50/50-ზეა. ვერ იტყვი, რომ ერთი მოთამაშე ორი თავით მაღლა დგას მეორეზე.

ყოველდღიური სპორტული გაზეთი "ლელო"
7145
მკითხველის კომენტარები / 4 /
Gela
2
Me mains mgonia da mjera cxadadzeze kargad gunda veravin atamasha. Kvela mcvrtleli fexburtels abralebs cxadas garda
Am ciklis shemdeg vkitxot xalxs d’à fexburtelebs vin unda movikvanot
patrioti...
0
თუ ამბობ 2020 წლის ნახევარფინალია ჩემი საზრუნავიო მაშინ ათამაშე დალოცვილო ახალგაზრდები,ხარაბაძე მაგალითად,ხარაიშვილი,დაუძახე ზარანდიას რა გაწყენინა ესეთი,ან ცრუ ფორფარდად რომ გვილია გყავს სწორია ეს? შემოუშვი არველაძე,შეაჩვიე,მერე რა რომ ახალგაზრდაა....აბა კაშია,გრიგალავა 2020 წლისათვის აღარ იქნებიან,ვაკო და კაშია რაც პენსიონერების ჩემპიონატში წავიდნენ მაგრად მოუკლეს ფაქტია....რაღაცა მშიშარა მწვრთნელია ვაისი,ამის მეშინია ბელორუსიასთან.....
მსგავსი ამბები
რუბრიკის სხვა სიახლეები
;