სპორტმაქსის TOP10: ქინქლაძე და სხვა ვარსკვლავები, რომელთაც პრემიერლიგას სახე უცვალეს

გამოცემა sportsmax-მა ინგლისის პრემიერლიგის ის 10 ვარსკვლავი გამოარჩია, ვინც, გამოცემის აზრით, ინგლისური ბურთაობის სტილი რადიკალურად შეცვალა. ამ ძალზე საპატიო სიაში ბევრი ცნობილი მოთამაშეა - დენის ბერგკამპი, ვი ჟინოლა, ლე ფერდინანდი, სტენ კოლიმორი, ჟუნინიო... რაც ჩვენთვის მთავარია, ათეულში მოხვდა გიორგი ქინქლაძე!

გამოცემის მტკიცებით, ყველაფერი დაიწყო ჰოლანდიელი ვარსკვლავის, რუდ გულიტის ტრანსფერით, რომელიც 25 წლის წინ განხორციელდა.

"ეს ინგლისური ფეხბურთის ისტორიაში გარდამტეხი დღე აღმოჩნდა. 1995 წლის 31 მაისს "ჩელსი" "სამპდორიას" რუდ გულიტის კონტრაქტზე შეუთანხმდა და ამით გუნდის თამაში შეცვალა. პრემიერლიგა უცხოეთიდან ნიჭიერი მოთამაშეების მოზღვავებას განიცდიდა. უდიდესი გავლენა მოახდინა "ლიდსსა" და "მანჩესტერ იუნაიტედზე" ერიკ კანტონამ , "ტოტენჰემზე" - იურგენ კლინსმანმა... გულიტის და მათი ჩამოსვლიდან დღემდე პრემიერლიგა ბევრი მაღალი კლასის ლეგიონერმა დაამშვენა", - წერს გამოცემა.

რაც შეეხება ქინქლაძეს, გამოცემა მას გამორჩეულად ახასიათებს: "გიორგი ქინქლაძე "მანჩესტერ სიტიში" თბილისის "დინამოდან" გადავიდა. ბოლო წლებში გუნდის გულშემატკივრები შეეჩვივნენ წარმატებებს, რომელიც მათ პეპ გვარდიოლას ჩამოყვანილმა ლეგიონერებმა მოუტანეს - სერხიო აგუერომ, კევინ დე ბრუინმა,ნსნ კომპანიმ. მაგრამ "სიტის" გულშემატკივრების გულში ყოველთვის განსაკუთრებულ ადგილი ექნება ქინქლაძე, რომელმაც "მეინ როუდზე" ("სიტის" ძველი არენა - რედ) იმ პერიოდში ითამაშა, როც ფრენ ლი იყო პრეზიდენტი, ხოლო უვე როსლერი - ვარსკვლავი ფორვარდი".

sportsmax-მა საქართველოს ნაკრების ექსვარსკვლავის ინგლისური კარიერის დეტალები გაიხსენა: "ქინქლაძის მიერ "სიტიში" ჩატარებული პირველივე სეზონის შემდეგ, გუნდი პრემიერლიგიდან დაქვეითდა, გიორგი კი ამ გუნდიდან მხოლოდ 1998 წელს წავიდა, როც მანჩესტერელები მესამე ლიგაში დაეშვნენ. ქართველი იმ სიბნელეში სინათლის ნაპერწკალი იყო, მისი დრიბლინგები და საჯარიმო დარტყმები დღემდე არ ავიწყებათ. განსაკუთრებით დასამახსოვრებელი გოლი კი "საუთჰემტონს" გაუტანა".

1457
მკითხველის კომენტარები / 0 /
მსგავსი ამბები
რუბრიკის სხვა სიახლეები
;