სპორტულ ჟურნალისტთა ასოციაციის დაჯილდოვება: I - ტალახაძე, II - ფაჩულია, III - პეტრიაშვილი

BeerTime-ში გაიმართა სპორტულ ჟურნალისტთა ასოციაციის წლის ღონისძიება, რომელზეც 2017 წლის საუკეთესო სპორტსმენები გამოავლინეს და დააჯილდოვეს.

საუკეთესო სამეული ასე გამოიყურებოდა: I - ლაშა ტალახაძე, II - ზაზა ფაჩულია, III - გენო პეტრიაშვილი.

წლის საუკეთესო ახალგაზრდა ქართველ სპორტსმენად ბერძნულ-რომაული სტილით მოჭიდავე ზვიად პატარიძე დასახელდა, გამოკითხვაში მეორე იყო მორაგბე გელა აფრასიძე, ხოლო მესამე - ანასტასია გოტფრიდი (ძალოსნობა).

წლის აღმოჩენაა წყალბურთელი ანდრია ბითაძე.

საუკეთესო მწვრთნელი, რა თქმა უნდა, ძალოსანთა ნაკრების დამრიგებელი გიორგი ასანიძეა. მეორე პოზიციაზე აღმოჩნდა მორაგბეთა მთავარი მწვღთნელი მილტონ ჰეიგი, ხოლო მესამეზე - კალათბურთელთა თავკაცი ილიას ზუროსი.

ტოპ-გუნდების სამეული ასე დალაგდა: I - მორაგბეთა ნაკრები, II - კალათბურთელთა ნაკრები, III - ფუტსალის ნაკრები.

1491
მკითხველის კომენტარები / 0 /
მსგავსი ამბები
რუბრიკის სხვა სიახლეები