სრინივას გაუდა, კამეჩები და... რა შუაშია ბოლტის რეკორდი?

ინდოელმა მორბენალმა სრინივას გაუდამ არაოფიციალურად გააუმჯობესა 100 მეტრ დისტანციაზე ლეგენდარული იამაიკელი სპრინტერის უსაინ ბოლტის რეკორდი.

BBC-ის ინფორმაციით, სარეკორდო დრო დაფიქსირდა კამეჩებით ტრადიციული რბოლისას. ამ შეჯიბრებას „კამბალა“ ჰქვია და ის ინდოეთში იმართება. წესების თანახმად, კამეჩებით მორბენალმა წყლით დაფარულ ბრინჯის მინდორზე 132 ან 142 მეტრი უნდა გაირბინოს, ამასთან, სპორტსმენს ხელით ორი კამეჩის უღელი უნდა ეჭიროს.

28 წლის გაუდამ საწყისი 100 მეტრი 9.55 წამში გაირბინა, რაც 0.03 წამით აღემატება ბოლტის რეკორდს. უსაინმა 100 მეტრზე რბენაში მსოფლიოს რეკორდი (9.58) 2009 წელს, ბერლინში დაამყარა.

383
მკითხველის კომენტარები / 0 /
მსგავსი ამბები
რუბრიკის სხვა სიახლეები
;