სტეფ კარიმ 22 წლის წინანდელი რეკორდი გააუმჯობესა

სტეფ კარიმ 22 წლის წინანდელი რეკორდი გააუმჯობესა. "გოლდენ სტეიტის" გამთამაშებელმა სეზონის სტარტზე ზედიზედ მეშვიდე მატჩში შეძლო მინიმუმ ხუთი სამქულიანის ჩაგდება. წინა რეკორდი 1996 წელს ჯორჯ მაკლეოდს ეკუთვნოდა და ექვს ასეთ მატჩს ითვლიდა.

"ბრუკლინთან" გასვლითი მატჩის ბედი 40 წამით ადრე ზუსტი სამქულიანით სწორედ კარმა გადაწყვიტა. "უორიორზმა" ზედიზედ მეოთხე შეხვედრა მოიგო.

რუდი გობერმა ცენტრების კლასიკურ დაპირისპირებაში აჯობა დეანდრე ჯორდანს. მართალია, "დალასის" ცენტრმა სამით მეტი მოხსნა აიღო (19 16-ის წინააღმდეგ), სამაგიეროდ, გობერმა 23 ქულა დააგროვა, ჯორდანმა - 12. სხვათა შორის, ამ უკანასკნელს ერთი პასი დააკლდა კარიერაში პირველ სამმაგ დუბლამდე.

"იუტამ" თამაშიდან 52.5 პროცენტის სიზუსტით ისროლა და ზედიზედ მესამე მატჩი მოიგო.

ერთწლიანი პაუზის შემდეგ, ნერლენს ნოელი სასტარტო შემადგენლობაში დაბრუნდა, 20 ქულა და 15 მოხსნა დააგროვა, ხოლო "ოკლაჰომამ" სეზონში პირველი თამაში მოიგო. ნოელისთვის ეს იყო პირველი 20-ქულიანი მატჩი 2016 წლის 19 თებერვლის შემდეგ.

"კლიპერსის" რიგებში ცხრა კალათბურთელმა დააგროვა მინიმუმ 10 ქულა. ამ გუნდმა 32 ქულით გაანადგურა "ვაშინგტონი". სტუმრები მატჩში ერთხელაც არ ყოფილან წინ.

ბრუკლინი-გ. სტეიტი 114:120
29:32, 20:31, 28:30, 37:27
ბ: რასელი (25), ლევერტი (23+7 პასი), კრები (14), დინუიდი (12), ალენი (11).
გ-ს: კარი (35+7 მოხსნა), დურანტი (34+8 მოხსნა), ტომპსონი (18), გრინი (8+13 პასი+5 ჩაჭრა).

დალასი-იუტა 104:113
19:26, 27:24, 31:32, 27:31
დ: სმიტი (27), მეტიუზი (22+7 მოხსნა), დონჩიჩი (14), ჯორდანი (12+19 მოხსნა+9 პასი), კლებერი (11).
ი: გობერი (23+16 მოხსნა), მიტჩელი (20), კრაუდერი (15), ნიანგი (13), ინგლსი (12+7 მოხსნა), ალენი (11).

ოკლაჰომა-ფინიქსი 117:110
30:20, 32:28, 34:28, 21:34
ო: უესტბრუკი (23+9 მოხსნა+7 პასი+4 ჩაჭრა), ჯორჯი (23), ნოელი (20+15 მოხსნა+4 ჩაჭრა), გრანტი (14), პატერსონი (17), შრიოდერი (12+7 პასი).
ფ: უორენი (18+8 მოხსნა), ოკობო (18+7 პასი), ეიტონი (16+11 მოხსნა), ანდერსონი (15).

კლიპერსი-ვაშინგტონი 136:104
28:20, 41:34, 28:23, 39:27
კ: ჰარისი (22+11 მოხსნა), უილიამსი (17), ბრედლი (15), ჰარელი (13), მარიანოვიჩი (13+9 მოხსნა), ბევერლი (11), გალინარი (11+7 მოხსნა), სკოტი (11), შაი (10+8 მოხსნა+7 პასი).
ვ: ბილი (20+7 მოხსნა), უოლი (18+4 ჩაჭრა), გრინი (12+8 მოხსნა), მაინმი (11+7 მოხსნა).

ყოველდღიური სპორტული გაზეთი "ლელო"
926
მკითხველის კომენტარები / 0 /
მსგავსი ამბები
რუბრიკის სხვა სიახლეები
;