სუმო: ერთი სამშვიდობოსაა, მეორეც ახლოს

წლის უკანასკნელ ბაშოზე კუნძულ კიუშუზე გადამწყვეტი ორთაბრძოლების დროა. მე-6 მაეგაშირა ტოჩინოშინი (ლევან გორგაძე) პროგრამა-მინიმუმთან ახლოსაა - ერთი მოგებაც და დადებით ბალანსს (შესაბამისად, რეიტინგში წინსვლას) გაიფორმებს.

30 წლის ქართველმა ახალგაზრდა ასანოიამას მოუგო და 7-5 ბალანსი გაუხდა. დადებითი ბალანსის გაფორმება მას დღესვე შეუძლია მე-12 მაეგაშირა ოკინოუმისთან ბრძოლაში. ყოფილ სეკივაკეს გორგაძე ურთიერთშეხვედრებში 6:4-ს უგებს.

ბაშოს დიდი ჩემპიონი ჰაკუჰო 11-1 ბალანსით ლიდერობს, 9-3 ბალანსით მეორე ადგილზე შოთა ენდოა.

ძურიოს დივიზიონში გაგამარუმ (თეიმურაზ ჯუღელი) დადებითი ბალანსი უკვე გაინაღდა - მან აბი ოშიდაშით დაამარცხა და 8-4 ბალანსი გაუხდა. ჩვენებური რეიტინგში აუცილებლად წაიწევს წინ, ახლა კი გაგამარუ ძურიოს მე-11 ნომერია.

შეგახსენებთ, რომ წლეულს 2 ბაშო მან ელიტაში გაატარა, 4 კი - მეორე დივიზიონში. შემდეგი მეტოქე იუტაკაიამაა (1:0 ურთიერთშეხვედრებში).

ყოველდღიური სპორტული გაზეთი "ლელო"
1924
მკითხველის კომენტარები / 0 /
მსგავსი ამბები
რუბრიკის სხვა სიახლეები