სუმო. ესეც რეიტინგი!

ლევან გორგაძე იგივე ტოჩინოშინ ცუიოში 30 მაისს გახდა ოფიციალურად ოძეკი (ჩემპიონი), გუშინ კი ეს სუმოს ოფიციალურ რეიტინგში (ბანძუკე) აისახა - 30 წლის ლევან გორგაძე კასუგანოს კლუბიდან დასავლეთის ოძეკია.

რეიტინგის უმაღლეს საფეხურზე სამი იოკოძუნაა (დიდი ჩემპიონი) - კაკურიუ, ჰაკუჰო და კისენოსატო.

სამი სუმოისტი ოძეკია (ჩემპიონი), მათ შორის ტოჩინოშინი დებიუტანტია - გოეიდო, ტაკაიასუ და ტოჩინოშინი.

იჩინოჯო და მიტაკეუმი სეკივაკეს რანგში იჭიდავებენ, სანიაკუს კატეგორიას კი ორი კომუსუბი ტამავაში და შოჰოზანი ასრულებს.შემდეგ მოდიან რიგითი მაეგაშირები.

ძურიოს დივიზიონში მე-9 ნომრად დაქვეითდა გაგამარუ (თეიმურაზ ჯუღელი), რომელმაც ზაფხულის ბაშო უარყოფითი ბალანსით დაასრულა. ბანძუკეს გამოქვეყნებით სტარტი მიეცა ივლისის ბაშოსთვის მოსამზადებელ ეტაპს. ნაგოიას ბაშო 8 ივლისს დაიწყება და ზუსტად 15 დღეს გასტანს.

ყოველდღიური სპორტული გაზეთი "ლელო"
4382
მკითხველის კომენტარები / 2 /
N
0
ორივე დანარჩენი ოძეკი რომ კადობანზე გახლავან, არ არის აღსანიშნავი ფაქტი?!
ზაზა
0
ლევან ნაგოიას ბაშო შენია! იცოდე მთელი საქართველო გიმაგრებს ზურგს, რომ დოჰიოდან არ გადახვიდე!
მსგავსი ამბები
რუბრიკის სხვა სიახლეები
;