სუმო. მეგაშირა ტოჩიონიშინის ზედიზედ მეორე გამარჯვება

ჰაცუ ბაშოზე მე-3 მაეგაშირა ტოჩინოშინს (ლევან გორგაძე) წარმატებული სტარტი გამოუვიდა. ქართველმა სუმოისტმა ზედიზედ მეორე მეტოქე დაამარცხა - შოდაის მერე მე-4 მაეგაშირა არავაშიც დოჰიოდან გაიყვანა.

ტოჩინოშინს 2-0 ბალანსი აქვს და დღეს მე-5 მაეგაშირა ოკინოუმის ხვდება, ვისთანაც ურთიერთშეხვედრებში 6:5-ს იგებს.

პირველი დღისგან განსხვავებით, დღეს სამივე დიდმა ჩემპიონმა მოიგო - ჰაკუჰომ, კაკურიუმ და კისენოსატომ საკუთარი ორთაბრძოლები გამარჯვებით დაასრულეს.

მეორე დივიზიონ ძურიოში მოასპარეზე გაგამარუ (თეიმურაზ ჯუღელი) კვლავ დამარცხდა. დივიზიონის მე-5 ნომერმა ამჯერად, ჩიონოოსთან შიტატენაგეს ილეთით დათმო. გაგამარუს მომდევნო მეტოქე მე-7 ნომერი სადანოუმია.

II დღე (მნიშვნელოვანი ბრძოლები): კისენოსატო-ჰოკუტოფუჯი (იორიკირი), კაკურიუ-ტაკაკეიშო (ოშიდაში), ჰაკუჰო-იჩინოჯო (იორიკირი), ტაკაიასუ-კოტოშოგიკუ (უვატენაგე), გოეიდო-ონოშო (უვატენაგე), ტოჩინოშინი-არავაში (იორიკირი).

III დღე (მნიშვნელოვანი წყვილები): კაკურიუ-იოშიკაძე, ჰაკუჰო-ჰოკუტოფუჯი, კისენოსატო-იჩინოჯო, გოეიდო-კოტოშოგიკუ, ტაკაიასუ-ჩიოტაირიუ, ტოჩინოშინი-ოკინოუმი.

ყოველდღიური სპორტული გაზეთი "ლელო"
1506
მკითხველის კომენტარები / 0 /
მსგავსი ამბები
რუბრიკის სხვა სიახლეები