სუმო. ტოკიოში თოვს, ტოჩინოშინს თვალი იმპერატორის თასზე უჭირავს

წლის პირველ სუპერტურნირ ჰაცუ ბაშოზე ორი მესამედი გაილია - ზედიზედ მესამე გამარჯვება მოიპოვა დასავლეთის მე-3 მაეგაშირა ტოჩინოშინმა (ლევან გორგაძე) - ჩვენებურმა ყოფილი ოძეკი კოტოშოგიკუ იორიკირის ილეთით დაამარცხა.

არადა, აქამდე კოტოშოგიკუ მისთვის ძალზე უხერხული მეტოქე იყო და ურთიერთშეხვედრებში 5:24-ს აგებდა.

ახლა ტოჩინოშინს 9-1 ბალანსი აქვს და ბაშოზე მეორე ადგილზეა დიდ ჩემპიონ კაკურიუს (10-0) შემდეგ. შეგახსენებთ, რომ ქართველმა სუმოისტმა ჰაცუ ბაშოზე ერთადერთი მარცხი სწორედ დიდ ჩემპიონ კაკურიუსთან იწვნია.

თუ კაკურიუ დარჩენილ ხუთ ორთაბრძოლას მოიგებს, იმპერატორის თასიც მას დარჩება, მაგრამ თუ მას ფეხი დაუცდება... ასე რომ, ტოჩინოშინი უშანსოდ არ არის.

ტოჩინოშინის დღევანდელი მეტოქე მე-6 მაეგაშირა ტაკარაფუჯია. მათ ურთიერთშეხვედრებში სრული თანაფარდობაა - 7:7.

მეორე დივიზიონ ძურიოში თეიმურაზ ჯუღელი (გაგამარუ) ბულგარელ აოიამას შეხვდა და ოშიდაშით მოუგო. მას 5-5 ბალანსი აქვს. გაგამარუს მომდევნო მეტოქე ტოჩიჰირიოა.

X დღე

(მნიშვნელოვანი ბრძოლები): კაკურიუ-ოკინოუმი (ოკურიდაში), ტაკაიასუ-ტამავაში (ოშიდაში), შოდაი-გოეიდო (იორიკირი), არავაში-მიტაკეუმი (ტოტარი), იოშიკაძე-ონოშო (უბრძოლველად), ტოჩინოშინი-კოტოშოგიკუ (იორიკირი).

სატურნირო მდგომარეობა

10-0: კაკურიუ (იოკოძუნა);
9-1: ტოჩინოშინი (მაეგაშირა 3);
8-2: დაიეიშო (მ 13);
7-3: ტაკაიასუ (ოძეკი), მიტაკეუმი (სეკივაკე), ტაკარაფუჯი (მ 6).

XI დღე

(მნიშვნელოვანი წყვილები): კაკურიუ-ტამავაში, გოეიდო-არავაში, ტაკაიასუ-ოკინოუმი, მიტაკეუმი-შოდაი, ტოჩინოშინი-ტაკარაფუჯი.

ყოველდღიური სპორტული გაზეთი "ლელო"
1901
მკითხველის კომენტარები / 0 /
მსგავსი ამბები
რუბრიკის სხვა სიახლეები
;