სუმო. ტოჩინოშინის ორივე კონკურენტი, კაკურიუ და ჰაკუჰო დამარცხდნენ

ივლისის ბაშოს მეოთხე დღე წარმატებული გამოდგა ქართველი სუმოისტის, ლევან გორგაძისთვის. მან, შეიძლება ითქვას, იოლად დაამარცხა აბი, ტოჩინოშინის მოწინააღმდგეებმა, იოკოძუნებმა კაკურიუმ და ჰაკუჰომ კი, თითო წაგება ჩაიწერეს.

ჰაკუჰოს ტრავმა აქვს და ამიტომ ფუსენით მარცხი დაფიქსირდა ჩიონოკუნისთან. ხოლო კაკურიუმ ვერაფერი გააწყო მეორე მაეგაშირა იკოისთან და ოშიდაშის ილეთით დამარცხდა.

ასე და ამგვარად, ლევანმა იოკოძუნებთან მცირე უპირატესობა უკვე მოიპოვა. ოთხი დღის შემდეგ წაუგებელი მხოლოდ ორია - ტოჩინოშინი და მიტაკეუმი. ჰაკუჰოსა და კაკურიუს თითო წაგება აქვთ.

1703
მკითხველის კომენტარები / 0 /
მსგავსი ამბები
რუბრიკის სხვა სიახლეები
;