[კარიკატურა] უსამართლობა სუმოში: რა მოჰყვება ტოჩინოშინისთვის გამარჯვების ძალით ჩამორთმევას?

24 მაისს ტოჩინოშინს წლის ბრძოლა ჰქონდა, მოგების შემთხვევაში იგი ოძეკის ტიტულსაც დაიბრუნებდა და იმპერატორის თასსაც შეუტევდა. იგი 10/2 ბალანსიან ასანოიამას ხვდებოდა, რომლის დამარცხების შემთხვევაში ორივეს ბალანსი 10/3-თან იქნებოდა. მათი ბრძოლის დამთავრებიდან რამდენიმე წუთში წააგო იოკოძუნა კაკურიუმაც და მასაც 10/3 აქვს. ბაშოს დამთავრებამდე კი ორად ორი ბრძოლა რჩება.

ახლა, თავად განსაჯეთ, რამდენად რეალური იყო იმპერატორის თასის მოგებისთვის ბრძოლა. თუმცა ლევანი დამარცხდა... მსაჯებმა ასე გადაწყვიტეს, თორემ, ნებისმიერ ქართველს რომ ჰკითხოთ, გეტყვით - ტოჩინოშინმა ასანოიამას სძლიაო. საქმის არსი ასეთია: ვიდრე მეტოქეს დააგდებდა, ქართველმა რკალზე დადგა ფეხი (ეს დასაშვებია), ერთ-ერთ მსაჯს კი მოეჩვენა, რომ დოჰიოს მიღმა გადავიდა.

ტოჩინოშინი VS ასანოიამა... ქართველს გამარჯვება მსაჯებმა წაართვეს! [VIDEO]

იცით, ცუდი რა არის? ტექნოლოგიებში მოწინავე იაპონიაში ისევ მსაჯების თათბირით წყვეტენ სადაო ეპიზოდებს. სპორტის ისეთ სახეობაში, როგორიც ფეხბურთია, თამაშს წყვეტენ და ტელეეკრანზე დიდხანს ამეორებენ მნივნელოვან მომენტებს, რომ სამართლიანად დაინიშნოს პენალტი, ჩაითვალოს გოლი და ა.შ... სუმოში კი შეხვედრას შეწყვეტა სულაც არ უნდა - უკვე დამთავრებულზე იხილავენ არბიტრები.  ადიან ბაშოზე და თათბირს აწყობენ.

კიდევ უფრო ცუდი იცით, რა არის? - ერთი მსაჯის დანახულ-არდანახულით წყდება იმპერატორის თასის ბედი. ასანოიამამ ამ მოგებით ძალიან დიდი ნაბიჯი გადადგა ბაშოს მოგებისკენ, ტოჩინოშინს კი შანსი წაერთვა. წარმოიდგინეთ, როგორ შეერკინებოდა იგი იოკოძუნა კაკურიუს (25 მაისს), სამივე კონკურენტს 10/3 ბალანსი რომ ჰქონოდა. ქართველი კიდევაც მაგრად დაუდგება კაკურიუს, თუნდაც ოძეკის ტიტულის დასაბრუნებლად, მაგრამ გულის სიღრმეში მასაც და მის გულშემატკივრებსაც გულში ხინჯი გვაქვს.

დარწმუნებულნი ბრძანდებოდეთ, ასეთი ხინჯი თავად იაპონელებსაც გაუჩნდებოდათ - სამართლიანობა ხომ მათი ერთ-ერთი მთავარი ცხოვრებისეული პრინციპია. ჰოდა, ისიც მჯერა, რომ სუმოში ძალიან მალე დადგება ვიდეორეფერის გამოყენების საკითხი. ეს ტრადიციული სპორტია და კონსერვატორი იაპონელები ამას არ დაუშვებენ? ისინი ტრადიციების სიყვარულთან ერთად პროგრესულად მოაზროვნეებიც არიან და, აი, ნახავთ მალე ვიდეორეფერის თუ არ გამოიყენებენ.

თუ მართლაც ასე მოხდა, ტოჩინოშინის შემთხვევა ერთ-ერთი მიზეზი იქნება სუმოს წესებში ცვლილების განხორციელებისა. ისევე როგორც ზაზა ფაჩულიას შემთხვევამ აიძულა NBA-ს ხელმძღვანელები "ოლ სტარის" გამოკითხვის წესებში ძირეული ცვლილებები შეეტანათ.

ჩვენ კი დავკარგეთ იმპერატორის თასის მოგებისა და "ოლ სტარში" მოხვედრის შანსი...

32493
მკითხველის კომენტარები / 2 /
სოსო
0
ეს ბაშო პირველია,იაპონიის ახალი იმპერატორის ეპოქაში.ალბათ ამიტომ ცდილობენ მსაჯები,რომ ახალი წელთაღრიცხვის პირველი ჩემპიონი,აუცილებლად იაპონელი გახდეს.
ვაჰდაბა
0
იაპონელი უნდა გახდეს ჩემპიონი, აბა თათარი და ქართველი მოიცდის. ეგ არაფერი
04:28 2019.05.31
საბა
0
50 წელია, სუმოში ვიდეო-რეფერის იყენებენ.
მსგავსი ამბები
რუბრიკის სხვა სიახლეები
;