სუმო. ტოჩინოშინი ბაშოს ლიდერია!

ახალი წლის ბაშოზე ლევან გორგაძემ (ტოჩინოშინი) 11-დან მე-10 ორთაბრძოლა მოიგო! მე-3 მაეგაშირას რანგში მოასპარეზე ქართველი სუმოისტი მე-6 მაეგაშირა ტაკარაფუჯის შეხვდა და იგი ცუკიოტოშის ილეთით დაამარცხა.

შეხვედრის განხილვამ დიდხანს მოუწიათ მსაჯებს, მაგრამ საბოლოოდ შეთანხმდნენ, რომ ტოჩინოშინი კი პირველი გავიდა დოჰიოდან, მაგრამ მანამდე მისი მეტოქე წაიქცა.

ამ მოგებით ჩვენებური დიდ ჩემპიონ კაკურიუს დაეწია, რადგან ეს უკანასკნელი ყველასთვის მოულოდნელად ბაშოზე პირველად მონღოლ ტამავაშისთან დამარცხდა.

იმპერატორის თასისთვის ბრძოლაში ტოჩინოშინი და კაკურიუ ლიდერობენ 10-1 ბალანსით. ტოჩინოშინმა სენიაკუს რანგი ალბათ უკვე გაინაღდა, მაგრამ მას გაცილებით მეტის მიღწევა შეუძლია და ეს მეტი იაპონიის იმპერატორის თასია.

ბაშოს მე-12 დღეს ტოჩინოშინი სეკივაკე ტამავაშის შეხვდება. ურთიერთშეხვედრებში ქართველი მონღოლს უგებს - 13:6.

კაკურიუ მე-5 მაეგაშირა შოთა ენდოს ხვდება.

მეორე დივიზიონ ძურიოში იმარჯვა თეიმურაზ ჯუღელმა (გაგამარუ), რომელმაც ჰატაკიკომის ილეთით ტოჩიჰირიუ დაამარცხა. ახლა გაგამარუს 6-5 ბალანსი აქვს და ძურიოს მე-13 ნომერ მიტორიუს ხვდება.

XI დღე (მნიშვნელოვანი ბრძოლები):

ტამავაში-კაკურიუ (ოშიდაში), არავაში-გოეიდო (კოტენაგე), ტაკაიასუ-ოკინოუმი (ცუკიდაში), შოდაი-მიტაკეუმი (ოშიდაში), ტოჩინოშინი-ტაკარაფუჯი (ცუკიოტოში).

სატურნირო მდგომარეობა
10-1: კაკურიუ (იოკოძუნა), ტოჩინოშინი (მაეგაშირა 3);
8-3: ტაკაიასუ (ოძეკი), დაიეიშო (მ 13).

XII დღე (მნიშვნელოვანი წყვილები):

კაკურიუ-ენდო, გოეიდო-ტაკაიასუ, ტოჩინოშინი-ტამავაში, მიტაკეუმი-ოკინოუმი, ტაკაკეიშო-კოტოშოგიკუ, იჩინოჯო-იოშიკაძე.

3530
მკითხველის კომენტარები / 0 /
მსგავსი ამბები
რუბრიკის სხვა სიახლეები