სუმო. ტოჩინოშინი ისევ დაუმარცხებელია

წლის პირველ ბაშოზე დაუმარცხებლად ჭიდაობს ქართველი სუმოისტი ლევან გორგაძე (ტოჩინოშინი). მესამე დღეს მან მესამე გამარჯვება იზეიმა.

ამჯერად, ტოჩინოშინმა ყოფილი სეკივაკე ოკინოუმი იორიკირის ილეთით დაამარცხა.

ჰაცუ ბაშოზე დაუმარცხებელი (3-0) ბალანსით 8 სუმოისტია. ტოჩინოშინის გარდა ლიდერთა შორის არის დიდი ჩემპიონი კაკურიუ. დიდმა ჩემპიონმა ჰაკუჰომ კი მოულოდნელი მარცხი განიცადა, მას პირველი მაეგაშირა ჰოკუტოფუჯი ეჭიდავა და აჯობა.

ბაშოზე ტოჩინოშინის მეოთხე მეტოქე უკვე ძალზე სერიოზულია - ოძეკი ტაკაიასუ 3-0 ბალანსით. ეს მათი მე-15 დაპირისპირებაა, ჩვენებურმა 6 მოიგო და 8 წააგო.

ძურიოს დივიზიონში პირველი გამარჯვება იზეიმა თეიმურაზ ჯუღელმა (გაგამარუ), მან მე-7 ნომერი სადანოუმი დაამარცხა ცუკიოტოშის ილეთით. მისი მომდევნო მეტოქე ჰომარეფუჯია. ქართველს 1-2 ბალანსი აქვს.

III დღე (მნიშვნელოვანი ბრძოლები): კაკურიუ-იოშიკაძე (ცუკიოტოში), ჰოკუტოფუჯი-ჰაკუჰო (ოშიდაში), იჩინოჯო-კისენოსატო (იორიკირი), გოეიდო-კოტოშოგიკუ (სუკუინაგე), ტაკაიასუ-ჩიოტაირიუ (ცუკიოტოში), ტოჩინოშინი-ოკინოუმი (იორიკირი)

IV დღე (მნიშვნელოვანი წყვილები): ჰაკუჰო-იოშიკაძე, კისენოსატო-კოტოშოგიკუ, კაკურიუ-იჩინოჯო, ტოჩინოშინი-ტაკაიასუ, გოეიდო-ჰოკუტოფუჯი.

ყოველდღიური სპორტული გაზეთი "ლელო"
2494
მკითხველის კომენტარები / 0 /
მსგავსი ამბები
რუბრიკის სხვა სიახლეები